—

რეჯეფ თაიფ ერდოღანი - მზად ვართ, მონაწილეობა მივიღოთ საქართველოში პორტების, აეროპორტის მშენებლობაში, ენერგეტიკულ პროექტებში, გამოვთქვით უსაფრთხოების კუთხით თანამშრომლობის სურვილიც

34
რეჯეფ თაიფ ერდოღანი - მზად ვართ, მონაწილეობა მივიღოთ საქართველოში პორტების, აეროპორტის მშენებლობაში, ენერგეტიკულ პროექტებში, გამოვთქვით უსაფრთხოების კუთხით თანამშრომლობის სურვილიც
მოსასმენად დააჭირეთ

მზად ვართ, მონაწილეობა მივიღოთ საქართველოში პორტების, აეროპორტის მშენებლობაში, ენერგეტიკულ პროექტებში, გამოვთქვით უსაფრთხოების კუთხით თანამშრომლობის სურვილიც, – ამის შესახებ თურქეთის პრეზიდენტმა, რეჯეფ თაიფ ერდოღანმა…

მზად ვართ, მონაწილეობა მივიღოთ საქართველოში პორტების, აეროპორტის მშენებლობაში, ენერგეტიკულ პროექტებში, გამოვთქვით უსაფრთხოების კუთხით თანამშრომლობის სურვილიც, – ამის შესახებ თურქეთის პრეზიდენტმა, რეჯეფ თაიფ ერდოღანმა ირაკლი კობახიძესთან ერთობლივი ბრიფინგისას განაცხადა.

ერდოღანის თქმით, თურქეთსა და საქართველოს ბიზნესშესაძლებლობების სრულად ათვისების პოტენციალი აქვს.

„გასულ წელს ორმხრივი ვაჭრობის კონტექსტში სამი მილიარდი დოლარის მაჩვენებელს მივაღწიეთ. ერთმანეთს აღვუთქვით, რომ ახალი სამიზნე, ორიენტირი იქნება ხუთი მილიარდი. მიმაჩნია, გვაქვს პოტენციალი, ძალიან მალე ამ ნიშნულს მივუახლოვდეთ და ჩვენი ბიზნესშესაძლებლობები სრულად ავითვისოთ.

რეგიონული თანამშრომლობის კონტექსტი ძალიან მნიშვნელოვანია თურქეთ-საქართველოს ურთიერთობებში და განვაგრძობთ ძალისხმევის განხორციელებას ბაქო-თბილისი-ყარსის რკინიგზის პროექტის ამოქმედებაში, რომელიც არის შუა დერეფნის ხერხემალი და ისტორიული აბრეშუმის გზის გამოცოცხლება, იმედი მაქვს, ძალიან მალე ფუნქციონირებადი გახდება. ამ შემთხვევას ვიყენებთ და ერთმანეთს ვუდასტურებთ მზაობას, რომ სხვა სატრანსპორტო, ენერგეტიკულ პროექტებზეც იმავე წარმატებით ვიმუშავებთ. პრემიერ-მინისტრს განვუცხადე, რომ მზად ვართ, საქართველოს უმსხვილეს პროექტებში მივიღოთ მონაწილეობა – აეროპორტის, პორტების მშენებლობაში, ენერგეტიკულ პროექტებში, გადამცემი ხაზების მშენებლობაში, უსაფრთხოების თანამშრომლობის კუთხითაც გამოვთქვით სურვილი და დაპირება.

ასევე ორგანიზებული დანაშაულისა და ტერორისტული ორგანიზაციების, განსაკუთრებით „ფეტას“ და „პეკაკას“ მიმართულებით დავპირდით ერთმანეთს, რომ ვითანამშრომლებთ, რათა ამ უკანონო თურქულ ორგანიზაციებს ვებრძოლოთ, რაც ჩვენს მოქალაქეებს უქმნის საფრთხეს. მზად ვართ, ქვეყნის შიგნით და გარეთ ვითანამშრომლოთ და ძალისხმევა არ დავაკლოთ ამ მიმართულებას. ჩვენი ქვეყანა გააგრძელებს ტერორისტების დევნასა და დასჯას“, – განაცხადა თურქეთის პრეზიდენტმა.

1tv

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →