—

რეჯეფ თაიფ ერდოღანი - ირაკლი კობახიძესთან საუბრისას ხაზი გავუსვით მშვიდობის, მშვიდობიანობის მნიშვნელობას, მათ შორის კავკასიაში, აღვუთქვით ერთმანეთს სურვილი, რომ გავაგრძელებთ მუშაობას

53
რეჯეფ თაიფ ერდოღანი - ირაკლი კობახიძესთან საუბრისას ხაზი გავუსვით მშვიდობის, მშვიდობიანობის მნიშვნელობას, მათ შორის კავკასიაში, აღვუთქვით ერთმანეთს სურვილი, რომ გავაგრძელებთ მუშაობას
მოსასმენად დააჭირეთ

მთელი კაცობრიობა უნდა უჭერდეს მხარს პალესტინელი ხალხის ბრძოლას თავისუფლებისთვის, – ამის შესახებ თურქეთის პრეზიდენტმა, რეჯეფ თაიფ ერდოღანმა საქართველოს პრემიერ-მინისტრ ირაკლი კობახიძესთან შეხვედრის შემდეგ განაცხადა.

მთელი კაცობრიობა უნდა უჭერდეს მხარს პალესტინელი ხალხის ბრძოლას თავისუფლებისთვის, – ამის შესახებ თურქეთის პრეზიდენტმა, რეჯეფ თაიფ ერდოღანმა საქართველოს პრემიერ-მინისტრ ირაკლი კობახიძესთან შეხვედრის შემდეგ განაცხადა.

მისი თქმით, ირაკლი კობახიძესთან შეხვედრაზე საუბარი შეეხო რეგიონულ და გლობალურ საკითხებს.

„ერთმანეთს გავუზიარეთ ჩვენი შეფასებები ღაზის სექტორში მიმდინარე მოვლენებზე და საერთაშორისო საზოგადეობის ჩართულობის როლზე. მთელი კაცობრიობა უნდა უჭერდეს მხარს პალესტინელი ხალხის ბრძოლას თავისუფლებისთვის. ამისთვის დიდი ფასის გადახდა მოუწიათ. მთელი კაცობრიობა უნდა გაერთიანდეს კანონისა და დიპლომატიის ფარგლებში. გაერო-ს გენერალურ ასამბლეაზე მიღებული რეზოლუცია აჩვენებს, სად დგას საერთაშორისო თანამეგობრობა და მეც მიმაჩნია, რომ მხარდამჭერი მექანიზმები აუცილებელია პალესტინის გასამხნევებლად, ძალიან მნიშვნელოვანი და საკვანძოა ამ ეტაპზე. ყველა ქვეყანას მოვუწოდებ, ვისაც არ უღიარებია პალესტინის სახელმწიფოებრიობა, ეს გააკეთოს“, – განაცხადა ერდოღანმა.

მისივე თქმით, საუბარი შეეხო ომს უკრაინაში, ასევე სომხეთ-აზერბაიჯანს შორის სამშვიდობო შეთანხმების მნიშვნელობას.

„ჩვენი საუბრის დროს ერთმანეთს გავუცვალეთ მოსაზრებები უკრაინა-რუსეთის ომის თაობაზე. ჩვენ მხარს ვუჭერთ უკრაინის ტერიტორიულ მთლიანობასა და სუვერენიტეტს. ხაზი გავუსვით მშვიდობის, მშვიდობიანობის მნიშვნელობას, მათ შორის კავკასიაში. ამ მიმართულებით აღვუთქვით ერთმანეთს სურვილი, რომ გავაგრძელებთ მუშაობას. ჩემი მოსაზრებაა, რომ სომხეთ-აზერბაიჯანს შორის სამშვიდობო შეთანხმება არის ისტორიული შესაძლებლობა მთელი რეგიონისთვის“, – აღნიშნა ერდორანმა.

1tv

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →