—

იურიდიულ საკითხთა კომიტეტზე სიტყვიერი დაპირისპირება და ხმაური იყო

26
იურიდიულ საკითხთა კომიტეტზე სიტყვიერი დაპირისპირება და ხმაური იყო
მოსასმენად დააჭირეთ

იურიდიულ საკითხთა კომიტეტზე სიტყვიერი დაპირისპირებისა და ხმაურის გამო კომიტეტის თავმჯდომარემ ანრი ოხანაშვილმა მანდატურებს ოპოზიციონერი დეპუტატების ანა ნაცვლიშვილისა და ხატია დეკანოიძის გაძევება სთხოვა, თუმცა მოგვიანებით…

იურიდიულ საკითხთა კომიტეტზე სიტყვიერი დაპირისპირებისა და ხმაურის გამო კომიტეტის თავმჯდომარემ ანრი ოხანაშვილმა მანდატურებს ოპოზიციონერი დეპუტატების ანა ნაცვლიშვილისა და ხატია დეკანოიძის გაძევება სთხოვა, თუმცა მოგვიანებით გადაწყვეტილება გააუქმა და ოპონენტები მხოლოდ გააფრთხილა.

თავდაპირველად, დარბაზის დატოვებაზე ოხანაშვილის მითითება მოჰყვა „უცხოური გავლენების გამჭვირვალობის შესახებ“ კანონპროექტის მომხსენებლის, მამუკა მდინარაძის გამოსვლის დროს ანა ნაცვლიშვილის ხმამაღალ შეძახილებს. ოხანაშვილმა დეპუტატს სიმშვიდისკენ მოუწოდა, თუმცა შემდეგ მანდატურებს უთხრა, რომ როგორც დეკანოიძე, ისე ნაცვლიშვილი დარბაზიდან გაეყვანათ. დეპუტატებმა მანდატურებს წინააღმდეგობა გაუწიეს, რა დროსაც ანა ნაცვლიშვილმა ევროკავშირის დროშა გაშალა.

მოგვიანებით, მათ შორის სხვა ოპოზიციონერი დეპუტატების მოწოდების შემდეგ, ოხანაშვილმა გადაწყვეტილება შეცვალა და ოპონენტებს უთხრა, რომ შეკითხვების დასმის შესაძლებლობას მისცემს, თუ არ იყვირებენ.

„არ გაჩერებულხართ, ყვირით, მესმის, რომ თქვენთვის სიმართლის მოსმენა მწარეა. გაძლევთ შესაძლებლობას, შეკითხვა დასვათ, მაგრამ თუ დადებთ პირობას, რომ უმიკროფონოდ არ იყვირებთ. არ გაჩერებულხართ მთელი სხდომა“,- განაცხადა ოხანაშვილმა.

მას შემდეგ კი, რაც ნაცვლიშვილმა ევროკავშირის დროშა გაშალა და მხრებზე მოიხვია, მამუკა მდინარაძემ უთხრა, რომ სწორედ ასე სპეკულაციურად ისხამენ ისინი ევროპულ მანტიას.

„როგორც ახლა მოისხა მანტიის სახით დროშა, ასე სპეკულაციურად ისხამთ ევროპულ მანტიას. სინამდვილეში სულ რუსულ საქმეს აკეთებთ“,- განაცხადა მამუკა მდინარაძემ.

İpn

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →