—

\"2024 წელს ტექინსპექტირებაზე მიმართვიანობა 12-14%-ით გაიზარდა\" - შიოლაშვილი

41
\"2024 წელს ტექინსპექტირებაზე მიმართვიანობა 12-14%-ით გაიზარდა\" - შიოლაშვილი
მოსასმენად დააჭირეთ

ტექინსპექტირების ცენტრებში მიმართვიანობა გაიზარდა. 2024 წლის პირველ კვარტალში 2023 წლის ანალოგიურ პერიოდთან შედარებით ზრდა 12-14%-ია.

როგორც კავშირის ხელმძღვანელმა გიორგი შიოლაშვილმა „საქმიანი დილის“ ეთერში განაცხადა, ზრდა მონიტორინგის სისტემის გაუმჯობესებას უკავშირდება.

„გასული წელი 917 000 პირველადი ინსპექტირებით დავხურეთ. წლევანდელ წელს თუ შევადარებთ 2023 წელს, 12-14%-იანი მატება გვაქვს მიმართვიანობის თვალსაზრისით. დინამიკა დადებითია და ველით, რომ უფრო მეტი მანქანა იქნება წარდგენილი ინსპექტირებაზე. რაოდენობის ზრდისთვის უმნიშვნელოვანესია ადმინისტრირება, რაც მუდმივად გამოწვევაა, თუმცა მნიშვნელოვანია, რომ გამონაბოლქვზე კონტროლი დაწყებულია,“ - აღნიშნავს შიოლაშვილი.

ინფორმაციისთვის, 7 თვეში ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობისთვის 5 ათასამდე პირი დაჯარიმდა. ამის შესახებ ინფორმაცია გარემოსდაცვითი ზედამხედველობის დეპარტამენტმა გაავრცელა. უწყების ცნობით 2023 წლის 4 სექტემბრიდან 4 აპრილამდე ყველაზე მეტი - 2107 ჯარიმა თბილისში მოძრავ მძღოლებს დაეკისრათ; 977 სამართალდარღვევა დაფიქსირდა ქუთაისში, 812 - ბათუმში და 672 - რუსთავში.

ფიზიკური პირების შემთხვევაში საჯარიმო სანქცია პირველ ჯერზე 100 ლარია, მეორე ჯერზე - 300 ლარი, ხოლო მესამედ გამეორების შემთხვევაში მძღოლები - 600 ლარით ჯარიმდებიან. რაც შეეხება იურიდიულ პირებს ჯარიმის მოცულობა 500-იდან 300 ათასს ლარამდე იზრდება.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →