—

ОДКБ-ის გენერალური მდივანი - ორგანიზაციაში სომხეთის წევრობის შეჩერების შესახებ ოფიციალური განცხადება არ მიგვიღია

39
ОДКБ-ის გენერალური მდივანი - ორგანიზაციაში სომხეთის წევრობის შეჩერების შესახებ ოფიციალური განცხადება არ მიგვიღია
მოსასმენად დააჭირეთ

ერევანი ბოლო დროს არ მონაწილეობს კოლექტიური უსაფრთხოების ხელშეკრულების ორგანიზაციის (ОДКБ) სამდივნოს მუშაობაში, მაგრამ ორგანიზაციაში სომხეთის წევრობის შეჩერების შესახებ ოფიციალური განცხადება არ გაკეთებულა, - ამის…

ერევანი ბოლო დროს არ მონაწილეობს კოლექტიური უსაფრთხოების ხელშეკრულების ორგანიზაციის (ОДКБ) სამდივნოს მუშაობაში, მაგრამ ორგანიზაციაში სომხეთის წევრობის შეჩერების შესახებ ოფიციალური განცხადება არ გაკეთებულა, - ამის შესახებ კოლექტიური უსაფრთხოების ხელშეკრულების ორგანიზაციის გენერალურმა მდივანმა, იმანგალი ტასმაგამბეტოვმა რუსულ საინფორმაციო სააგენტო TASS-თან ინტერვიუში განაცხადა.

„ერევანს ბოლო დროს ნამდვილად არ მიუღია მონაწილეობა ОДКБ -ის სამდივნოს მუშაობაში. ეს არის სომხეთის გადაწყვეტილება ამ ეტაპზე და ჩვენ, როგორც საერთაშორისო ორგანიზაცია, პატივს ვცემთ სუვერენული სახელმწიფოს ნებისმიერ გადაწყვეტილებას. მიუხედავად ამისა, ორგანიზაციის საქმიანობა სრულად გრძელდება. სამდივნო რეგულარულად აწვდის ინფორმაციას ერევნის შესაბამის სტრუქტურებს მისაღები და მიღებული გადაწყვეტილებების შესახებ. სომხეთის რესპუბლიკის ოფიციალური პირების განცხადებებთან დაკავშირებით, აღვნიშნავ, რომ სამდივნოს ერევნიდან არ მიუღია ოფიციალური განცხადება ორგანიზაციაში წევრობის შეჩერების შესახებ“, - აღნიშნა კოლექტიური უსაფრთხოების ხელშეკრულების ორგანიზაციის გენერალურმა მდივანმა.

შეგახსენებთ, სომხეთის პრემიერ-მინისტრმა ნიკოლ ფაშინიანმა ტელეკომპანია France 24-თან ინტერვიუში განაცხადა, რომ ერევანმა კოლექტიური უსაფრთხოების ხელშეკრულების ორგანიზაციაში მონაწილეობა შეაჩერა. მისი თქმით, ორგანიზაციამ არ შეასრულა რესპუბლიკის მიმართ ვალდებულებები სომხეთი-აზერბაიჯანის საზღვარზე 2021-2022 წლებში სიტუაციის გამწვავების დროს.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →