—

ედო ჯავახიძე - საქართველოს მჭიდრო ურთიერთობა სჭირდება ევროკავშირთან

66
ედო ჯავახიძე - საქართველოს მჭიდრო ურთიერთობა სჭირდება ევროკავშირთან
მოსასმენად დააჭირეთ

საქართველოს მჭიდრო ურთიერთობა სჭირდება ევროკავშირთან, რადგან ქვეყანაში უსაფრთხოება და ეკონომიკური სტაბილურობა უზრუნველყოფილი იყოს, რათა საქართველოს თითოეულ მოქალაქეს ღირსეული შემოსავალი, სამუშაო გარემო ჰქონდეს და…

საქართველოს მჭიდრო ურთიერთობა სჭირდება ევროკავშირთან, რადგან ქვეყანაში უსაფრთხოება და ეკონომიკური სტაბილურობა უზრუნველყოფილი იყოს, რათა საქართველოს თითოეულ მოქალაქეს ღირსეული შემოსავალი, სამუშაო გარემო ჰქონდეს და ქვეყანაში დოვლათი შეიქმნას. სამწუხაროდ, „ქართული ოცნება“ აღნიშნული ინტერესების მიღწევას არ ემსახურება, - ამის შესახებ „ერთიანი ნაციონალური მოძრაობის“ სამოქალაქო ინტეგრაციის მდივანმა, ედო ჯავახიძემ განაცხადა.

მისი განცხადებით, „ქართული ოცნების“ ამოცანაა, რაც შეიძლება დიდხანს დარჩნენ ხელისუფლებაში.

„საქართველოს მტკიცე და მჭიდრო ურთიერთობა სჭირდება ჩვენს დასავლელ პარტნიორებთან იმისათვის, რომ ამ ქვეყანაში უზრუნველყოფილი იყოს უსაფრთხოება, ქვეყანაში დასავლური ინვესტიციები ჩაიდოს. ეს ჩვენ გვჭირდება იმისათვის, რომ ქვეყანაში დოვლათი შეიქმნას, ეკონომიკა ამუშავდეს, ღირსეული სამუშაო ადგილები, ღირსეული სამუშაო გარემო შეიქმნას, რათა ადამიანებს შესაძლებლობა ჰქონდეთ თავიანთი საჭიროებები დაიკმაყოფილონ.

სამწუხაროდ, „ქართული ოცნება“ აღნიშნული ინტერესების მიღწევას არ ემსახურება, მათი მთავარი ამოცანაა პირადი გამდიდრდება და ის, რომ რაც შეიძლება დიდხანს დარჩნენ ხელისუფლებაში, რათა უფრო მეტი მოპარონ საზოგადოებას. შესაბამისად, მათ ინტერესში არ შედის არც ისეთი პლატფორმების გამოყენება, როგორიც არის მიუნხენის კონფერენცია. ეს მოცემულობა უნდა შეიცვალოს 2024 წლის არჩევნებზე და ახალმა პროდასავლურმა ხელისუფლებამ უნდა გააკეთოს ყველაფერი იმისათვის, რომ ქვეყანა ევროკავშირში შევიდეს, ადამიანებმა დაძლიონ მასობრივი სიღარიბე, უმუშევრობა და სიკეთე თითოეულ ოჯახამდე მივიდეს და არა მხოლოდ ერთეულებთან“, - განაცხადა ედო ჯავახიძემ.

აღნიშნულ ინფორმაციას „ერთიანი ნაციონალური მოძრაობა“ ავრცელებს.

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →