—

ილჰამ ალიევის განცხადებით, მშვიდობის მიღწევა შესაძლებელია, თუ სომხეთის კონსტიტუციაში ცვლილებები განხორციელდება

66
ილჰამ ალიევის განცხადებით, მშვიდობის მიღწევა შესაძლებელია, თუ სომხეთის კონსტიტუციაში ცვლილებები განხორციელდება
მოსასმენად დააჭირეთ

მშვიდობის მიღწევა შესაძლებელია, თუკი აზერბაიჯანის მიმართ სომხეთის პრეტენზიებს ბოლო მოეღება და სომხეთის კონსტიტუციასა და სხვა მარეგულირებელ და სამართლებრივ დოკუმენტებში ცვლილებები განხორციელდება, - მედიის ინფორმაციით…

მშვიდობის მიღწევა შესაძლებელია, თუკი აზერბაიჯანის მიმართ სომხეთის პრეტენზიებს ბოლო მოეღება და სომხეთის კონსტიტუციასა და სხვა მარეგულირებელ და სამართლებრივ დოკუმენტებში ცვლილებები განხორციელდება, - მედიის ინფორმაციით, ამის შესახებ აზერბაიჯანის პრეზიდენტმა, ილჰამ ალიევმა განაცხადა.

მისი თქმით, სომხეთსა და აზერბაიჯანს შორის დე ფაქტო მშვიდობა უკვე არსებობს და რამდენიმე თვეა, რაც ორი ქვეყნის საზღვარზე მშვიდობიანი ვითარება სუფევს, მაგრამ იმისათვის, რომ ეს პროცესი ლოგიკურ დასასრულამდე მივიდეს, აუცილებელია სამშვიდობო ხელშეკრულების გაფორმება და აზერბაიჯანის მიმართ სომხეთის ტერიტორიული პრეტენზიების დასრულება.

ამასთან დაკავშირებით, პრეზიდენტმა ილჰამ ალიევმა ხაზგასმით აღნიშნა, რომ სომხეთის დამოუკიდებლობის დეკლარაცია შეიცავს პირდაპირ მოწოდებებს აზერბაიჯანის ყარაბაღის რეგიონის სომხეთთან ანექსიის და აზერბაიჯანის ტერიტორიული მთლიანობის დარღვევის შესახებ და ეს დოკუმენტი ასევე მოხსენიებულია სომხეთის კონსტიტუციაშიც.

ალიევის განმარტებით, სომხეთის სხვა იურიდიული დოკუმენტები ასევე შეიცავს ტერიტორიულ პრეტენზიებს აზერბაიჯანის მიმართ და ბევრ კონვენციასა და სხვა დოკუმენტში, რომელსაც სომხეთი შეუერთდა, არის უამრავი დათქმა, რომელიც ყარაბაღზე აზერბაიჯანის სუვერენიტეტს არ ცნობს.

აზერბაიჯანის პრეზიდენტმა აღნიშნა, რომ მშვიდობის მიღწევა შესაძლებელია, „თუ ამ პრეტენზიებს ბოლო მოეღება და სომხეთის კონსტიტუციასა და სხვა მარეგულირებელ და სამართლებრივ დოკუმენტებში ცვლილებები განხორციელდება“.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →