—

დაბა ჩაქვში ერთ-ერთი ოჯახის გამოსახლების პროცესს ხმაური მოჰყვა - მოსახლეობამ ბათუმი-ქობულეთის დამაკავშირებელი ცენტრალური გზა გადაკეტა

95
დაბა ჩაქვში ერთ-ერთი ოჯახის გამოსახლების პროცესს ხმაური მოჰყვა - მოსახლეობამ ბათუმი-ქობულეთის დამაკავშირებელი ცენტრალური გზა გადაკეტა
მოსასმენად დააჭირეთ

დაბა ჩაქვში, თამარ მეფის ქუჩაზე ერთ-ერთ საცხოვრებელ სახლთან ხმაურია. მოსახლეობამ რამდენიმე წუთით ბათუმი-ქობულეთის დამაკავშირებელი ცენტრალური გზა გადაკეტა.

ხმაური აღსრულების პოლიციის გამოჩენას მოჰყვა, რომლებიც დაბა ჩაქვში საბანკო დავალიანების გამო, გორგილაძეების ოჯახის გამოსახლებას ცდილობენ, რასაც მოქალაქეები ეწინააღმდეგებიან.

თავად გორგილაძეების ოჯახი აცხადებს, რომ მევახშესთან შეთანხმებას ვერ ახერხებენ.

აღსანიშნავია, რომ გზის გადაკეტვისას აქციის ერთ მონაწილეს, სამედიცინო დახმარება დასჭირდა.

„აღსრულების პოლიციის თანამშრომლებმა ეზოში მყოფი ოჯახის ახლობლები იძულებით გამოიყვანეს ტერიტორიიდან, მათზე იძალადეს, რომ აღსრულების პოლიცია სახლში შესულიყო. მოსახლეობამ პროტესტის ნიშნად ცენტრალური გზა გადაკეტა. აქციის ერთ-ერთი მონაწილე შეუძლოდ გახდა, მას სამედიცინო დახმარება დასჭირდა. სამართალდამცავებმა გზა გახსნეს. ამ წუთისთვის აღსრულების პოლიცია გორგილაძეების ოჯახში იმყოფება, ოჯახის წევრი შეუძლოდ იმყოფება. ხელისუფლების ჩართულობა ამ პროცესში მთავარია, მათ ოპოზიციაში ყოფნის დროს დაპირება გასცეს, რომ მსგავსი პრობლემის მქონე ოჯახებზე დაბალპროცენტიანი სესხები გაიცემოდა, რეალურად ეს პროგრამა არ განხორციელებულა“,- აცხადებს გორგილაძეების ოჯახის უფლებადამცველი, თამაზ ბაკურიძე.

დაბა ჩაქვში, თამარ მეფის 14 ნომერში სამართალდამცავები და სასწრაფო დახმარების ბრიგადაა მობილიზებული.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →