—

სამხრეთ კორეის დაზვერვა: ჩრდ. კორეამ რუსეთს მილიონზე მეტი ჭურვი მიაწოდა უკრაინის ომში გამოსაყენებლად

22
სამხრეთ კორეის დაზვერვა: ჩრდ. კორეამ რუსეთს მილიონზე მეტი ჭურვი მიაწოდა უკრაინის ომში გამოსაყენებლად
მოსასმენად დააჭირეთ

ჩრდილოეთ კორეამ რუსეთს მილიონზე მეტი საარტილერიო ჭურვი მიაწოდა უკრაინაში გამოსაყენებლად, ხოლო ფხენიანმა მოსკოვისგან მიიღო რჩევა სადაზვერვო თანამგზავრის გაშვებასთან დაკავშირებით - წერს გამოცემა AFP.

მედიის ინფორმაციით, სამხრეთ კორეის პარლამენტის დახურულ სხდომაზე, სამხრეთ კორეის ეროვნული სადაზვერვო სააგენტოს (NIS) ოფიციალურმა პირებმა განაცხადეს, რომ ფხენიანმა აგვისტოს შემდეგ რუსეთს იარაღი მინიმუმ 10-ჯერ გაუგზავნა. 

"NIS-მა აღმოაჩინა, რომ მილიონზე მეტი საარტილერიო ჭურვი იყო გადატანილი. ანალიზის მიხედვით, ეს საკმარისი იქნება უკრაინაში რუსეთის ომის დაახლოებით ორი თვის განმავლობაში" - განუცხადა კორეის ეროვნული ასამბლეის წევრმა იო სანგ-ბუმმა ჟურნალისტებს შეხვედრის შემდეგ.

ინფორმაცია, რომ ჩრდილოეთ კორეის რეჟიმმა რუსეთის რეჟიმს შეიარაღება გაუგზავნა, რამდენიმე კვირის წინ, თეთრმა სახლმაც გაავრცელა. ვაშინგტონის ინფორმაციით, ერთი თვის განმავლობაში ჩრდილოეთ კორეელებმა რუსებს 1000-ზე მეტი კონტეინერით, სამხედრო ტექნიკა და საბრძოლო მასალა გაუგზავნეს.

თეთრი სახლი აცხადებდა, რომ 7 სექტემბრიდან 1-ელი ოქტომბრის ჩათვლით, რუსეთის დროშის ქვეშ მცურავმა გემმა ტვირთი გადაიტანა ჩრდილოეთ კორეის საბრძოლო მასალის საწყობიდან რუსეთის პორტში, იქიდან კი ტვირთი რუსეთის სამხედრო საწყობში.

თეთრმა სახლმა ფაქტის დამადასტურებელი სატელიტური ფოტოებიც გამოაქვეყნა.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →