—

ირაკლი ღარიბაშვილი - ჩვენ გვინდა, აზერბაიჯანთან გვქონდეს ძალიან გრძელვადიანი სტრატეგიული პარტნიორობა

24
ირაკლი ღარიბაშვილი - ჩვენ გვინდა, აზერბაიჯანთან გვქონდეს ძალიან გრძელვადიანი სტრატეგიული პარტნიორობა
მოსასმენად დააჭირეთ

ილჰამ ალიევთან შეხვედრაზე გვქონდა საუბარი ვაჭრობა-ეკონომიკის საკითხებთან დაკაშირებით, მიმოვიხილეთ ენერგეტიკის, ტრანსპორტის, ლოგისტიკის საკითხები, აზერბაიჯანი არის ერთ-ერთი მსხვილი სავაჭრო პარტნიორი საქართველოსი, ტოპ…

ილჰამ ალიევთან შეხვედრაზე გვქონდა საუბარი ვაჭრობა-ეკონომიკის საკითხებთან დაკაშირებით, მიმოვიხილეთ ენერგეტიკის, ტრანსპორტის, ლოგისტიკის საკითხები, აზერბაიჯანი არის ერთ-ერთი მსხვილი სავაჭრო პარტნიორი საქართველოსი, ტოპ ხუთეულში არის ყოველ წელს. წელს ვაჭრობა გაიზარდა 15 პროცენტით, შარშანაც გვქონდა რეკორდული წელი, – ამის შესახებ საქართველოს პრემიერ-მინისტრმა, ირაკლი ღარიბაშვილმა აზერბაიჯანის პრეზიდენტთან, ილჰამ ალიევთან ერთობლივ ბრიფინგზე განაცხადა.

ღარიბაშვილის თქმით, საქართველო აგრძელებს აზერბაიჯანთან გრძელვადიან სტრატეგიულ პარტნიორობას.

„გაიზარდა ტვირთების გადაზიდვა, მოცულობა. ზოგადად, ჩვენ ძალიან წარმატებულად ვთანამშრომლობთ ყველა საკითხში, იქნება ეს ენერგეტიკა, ტრანსპორტი, ლოგისტიკა თუ სხვა ნებისმიერი სფერო. ჩვენს რკინიგზებს აქვთ ასევე ძალიან წარმატებული თანამშრომლობა. ასევე, მიმოვიხილეთ „შუა დერეფნის“ განვითარების პერსპექტივები, ჩვენ კოორდინირებულად ვმუშაობთ აზერბაიჯანთან და ყაზახეთთან ერთად, რომ ძალიან სწრაფად მოხდეს ამ კორიდორის განვითარება, რომელიც გულისხმობს რკინიგზის მოდერნიზაციას, პორტების გაფართოებას და მშენებლობას, გზები მოდერნიზებას. ამ მხრივ აზერბაიჯანს დაწყებული აქვს მასშტაბური სამუშაოები, საქართველოშიც ასევე დაწყებული გვაქვს სამუშაოები, რომელიც ეხება რკინიგზის მოდერნიზაციას და რომელიც დასრულდება 2024 წლის ბოლოს და რკინიგზის გამტარუნარიანობა გაიზრდება, გაორმაგდება“, – განაცხადა ღარიბაშვილმა.

ამასთან, ილჰამ ალიევთან ერთობლივ ბრიფინგზე ირაკლი ღარიბაშვილმა აზერბაიჯანთან ერთობლივ პროექტებზე ისაუბრა.

„ჩვენ ასევე ვიწყებთ ახალი პორტის, ანაკლიის პორტის მშენებლობას. ბოლო ფაზის დასრულების შემდეგ პორტის გამტარუნარიანობა იქნება 100 მილიონი ტონა. ასევე, ძალიან მალე დასრულდება აღმოსავლეთ-დასავლეთის ჩქაროსნული მაგისტრალის მშენებლობა. ყველა ამ პროექტში ჩვენ ვთანამშრომლობთ აზერბაიჯანთან. ამასთან, რამდენიმე თვეში დასრულდება ისტორიული, სტრატეგიული მნიშვნელობის პროექტი, ბაქო-თბილის-ყარსის პროექტი, რომელიც წარმატებით მიმდინარეობს. ჩვენ პერსპქტივა გვაქვს ძალიან ნათელი, ხედვა გვაქვს შორსმჭვრეტელური. ჩვენ გვინდა, აზერბაიჯანთან გვქონდეს ძალიან გრძელვადიანი სტრატეგიული პარტნიორობა და მეგობრობა. მჯერა ჩვენი ერთობლივი ხედვის“, – განაცხადა ღარიბაშვილმა.

1tv

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →