—

Მიხეილ სარჯველაძე-დღითიდღე მცირდება იმ სუბიექტების წრე, სადაც შესაძლებელი იქნება მსჯავრდებული ექსპრეზიდენტისთვის სასჯელის თავიდან არიდებაზე მსჯელობა

36
Მიხეილ სარჯველაძე-დღითიდღე მცირდება იმ სუბიექტების წრე, სადაც შესაძლებელი იქნება მსჯავრდებული ექსპრეზიდენტისთვის სასჯელის თავიდან არიდებაზე მსჯელობა
მოსასმენად დააჭირეთ

იმდენად დიდი პოლიტიკური ამოცანაა დღის წესრიგში, რომ სასჯელი აარიდონ სააკაშვილს რამენაირად, იმდენად ედიადებათ ეს ამოცანა, რომ პრაქტიკულად არ დატოვებენ გამოუყენებელ შესაძლებლობას. ამით აიხსნება, რომ ამდენი მილიონი…

იმდენად დიდი პოლიტიკური ამოცანაა დღის წესრიგში, რომ სასჯელი აარიდონ სააკაშვილს რამენაირად, იმდენად ედიადებათ ეს ამოცანა, რომ პრაქტიკულად არ დატოვებენ გამოუყენებელ შესაძლებლობას. ამით აიხსნება, რომ ამდენი მილიონი იხარჯება ლობისტურ საქმიანობაში და მეორეს მხრივ, სადაც შეიძლება ეს პოზიცია გატარებადი აღმოჩნდეს, ყველგან ეცდებიან, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ, აშშ-ის იუსტიციის დეპარტამენტის ვებგვერდზე გამოქვეყნებულ დოკუმენტებზე საუბრისას განაცხადა.

სარჯველაძის თქმით, ის, რომ მიხეილ სააკაშვილის გასათავისუფლებლად დაქირავებული ლობისტური კომპანიის აქტივობებს შორის პრეზიდენტ სალომე ზურაბიშვილთან შეხვედრა უნდა შემდგარიყო, რაზეც ზურაბიშვილმა უარი განაცხადა, მიზნის მისაღწევად ყველა შესაძლებლობის გამოყენებაზე მიუთითებს.

მისივე განმარტებით, დღითიდღე მცირდება იმ სუბიექტების წრე, სადაც შესაძლებელი იქნება მსჯავრდებული ექსპრეზიდენტისთვის სასჯელის თავიდან არიდებაზე მსჯელობა.

სარჯველაძემ აღნიშნა ისიც, რომ სალომე ზურაბიშვილის პოზიცია სააკაშვილის გათავისუფლებასთან დაკავშირებით ჯერჯერობით არ შეცვლილა.

„იქნება ეს ამერიკელი კონგრესმენი, საქართველოს პრეზიდენტი თუ ნებისმიერი სხვა - შესაძლებლობა იქნება გამოყენებული. უბრალოდ, დღითიდღე მცირდება იმ სუბიექტების წრე, ვისთან მიმართებაშიც შეიძლება ეს გამოსვლადი იყოს და წრე რომ ვიწროვდება, არჩევანიც არც თუ ისე დიდი რჩებათ, მათ შორის, სტრასბურგზე იქნებოდა და რა თქმა უნდა, ეს გამოირიცხებოდა. მე ვფიქრობ, შეუმცირდათ შანსები იგივე ევროპარლამენტთან მიმართებაშიც, იმიტომ, რომ ერთხელ გასული ეს „ფანდი“ სამწუხაროდ რეპუტაციულად თვითონ ევროპარლამენტისთვის აღმოჩნდა დამაზიანებელი, ვინაიდან, რეზოლუციაში მოხვდა ისეთი რაღაცები, რაც ბუნებრივია, მალევე გამოაშკარავდა, რომ იყო მცდარ შეხედულებებზე დაფუძნებული. რაც შეეხება პრეზიდენტის პოზიციას, კი, ეცდებიან დარწმუნებას, თუმცა, მე ობიექტურად ვიტყვი, რომ არაფერი შეცვლილა, რასაც შეუძლია გავლენა მოახდინოს პრეზიდენტის მიერ დაკავებულ ერთმნიშვნელოვნად კატეგორიულ პოზიციაზე, რომელიც ეხებოდა სააკაშვილის გათავისუფლებას“, - განაცხადა მიხეილ სარჯველაძემ.

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →