—

ამირან გამყრელიძე - გაჩიანის დასახლებაში ინფექცია ტრიალებს, მოვუწოდებ მოსახლეობას, სამედიცინო პერსონალთან მეტად ითანამშრომლონ

48
ამირან გამყრელიძე - გაჩიანის დასახლებაში ინფექცია ტრიალებს, მოვუწოდებ მოსახლეობას, სამედიცინო პერსონალთან მეტად ითანამშრომლონ
მოსასმენად დააჭირეთ

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, გაჩიანის დასახლებაში მოსახლეობის მხრიდან კვლევებზე თანხმობა დაბალია.

მისი თქმით, მიუხედავად იმისა, რომ გუშინ შესაძლებელი იყო გაჩიანის დასახლებაში 1000-მდე ნიმუში აღებულიყო, 6-მა სამედიცინო ჯგუფმა მოსახლეობის დამოკიდებულების გამო მხოლოდ 350 ნიმუშის აღება მოახერხა. გამყრელიძე გაჩიანის მოსახლეობას მოუწოდებს, სამედიცინო პერსონალთან ითანამშრომლონ.

„განსაკუთრებულად ცხელი წერტილი დღეს გვაქვს ქვემო ქართლის რეგიონში, გარდაბნის მუნიციპალიტეტში, გაჩიანის დასახლება, სადაც 3 სოფელი შედის: ყარაჯალარი, ახთაკლია და ყარათაკლია. ორ სოფელში, ყარაჯალარსა და ყარათაკლიაში გვაქვს შემთხვევების რაოდენობა, ერთად აღებული 34. დღეს 24 ახალი შემთხვევიდან 10 სწორედ ამ კლასტერზე მოდის. იქ ტარდება სერიოზული ღონისძიებები. 7 გზა შედის ამ სოფლებში. ყველა შესასვლელში და გამოსასვლელში თერმოსკრინინგია, მაგრამ სამწუხაროდ, მოსახლეობაში კვლევებზე ცუდი დამყოლობაა. ჩვენ გუშინ იქ გაფართოებული კვლევები დავიწყეთ. იქ სამივე სოფელში ერთად 7 ათასამდე მოსახლეა და გვინდოდა, რომ სრულად ეს 7 ათასი მოსახლე გამოგვეკვლია. გათვლები გვაქვს, რომ ინფიცირებული იქნება, ალბათ, მოსახლეობის 5-დან 10%-მდე და მათი დროული იზოლაცია მომხდარიყო. ეს რადიკალურად შეამცირებს ინფექციის გატანის რისკს. რამეთუ მოსახლეობის უმრავლესობა ამ სამი სოფლიდან მუშაობენ სხვადასხვა ბაზრებზე: რუსთავის, ლილოს ბაზრობა, თბილისის სხვადასხვა ბაზრობები. ამიტომ დიდია ინფექციის გატანის რისკი. სამწუხაროდ, მოსახლეობისგან შემხვედრი ნაბიჯები არ იდგმება. გუშინ, მიუხედავად იმისა, რომ ჩვენი 6 ბრიგადა მუშაობდა ადგილზე, 350 ნიმუშზე მეტი ვერ ავიღეთ. როცა 6 ბრიგადის საშუალო სიმძლავრე არის 700-დან 1000 ნიმუშამდე. ამ 350-დან 10 იყო დადებითი. ანუ, იქ ინფექცია სერიოზულად ტრიალებს და მოვუწოდებ მოსახლეობას, რომ იყოს მეტი თანამშრომლობა სამედიცინო პერსონალთან“,- განაცხადა გამყრელიძემ.

წყარო: ipn

შეაფასეთ
სტატიის ავტორიInterPress

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →