—

ლევან დავითაშვილი - მეზობელ ქვეყნებში სეზონური დასაქმება შეიძლება ჩავანაცვლოთ საქართველოში შეთავაზებული სამუშაო ადგილებით

78
ლევან დავითაშვილი - მეზობელ ქვეყნებში სეზონური დასაქმება შეიძლება ჩავანაცვლოთ საქართველოში შეთავაზებული სამუშაო ადგილებით
მოსასმენად დააჭირეთ

მეზობელ ქვეყნებში სეზონური დასაქმება, რომელიც ჩვენს მოსახლეობაში ძალიან პოპულარული იყო, შეიძლება მნიშვნელოვანწილად ჩავანაცვლოთ საქართველოში შეთავაზებული სამუშაო ადგილებით, - ამის შესახებ გარემოს დაცვისა და სოფლის…

მეზობელ ქვეყნებში სეზონური დასაქმება, რომელიც ჩვენს მოსახლეობაში ძალიან პოპულარული იყო, შეიძლება მნიშვნელოვანწილად ჩავანაცვლოთ საქართველოში შეთავაზებული სამუშაო ადგილებით, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა საკოორდინაციო საბჭოს სხდომის დასრულების შემდეგ, მთავრობის ადმინისტრაციაში განაცხადა.

მისივე თქმით, საქართველოს სხვადასხვა კუთხეში, სოფლის მეურნეობის დარგში სამუშაო ძალის საჭიროება ჩნდება, რაც დასაქმების ახალ შესაძლებლობებს აჩენს.

„სამუშაო ჯგუფის მიერ სამუშაო ძალის ორგანიზებულად გადანაწილება საქართველოს სხვადასხვა კუთხეში იმგვარად ხდება, რომ სოფლის მეურნეობაში ადამიანების დასაქმების ახალი შესაძლებლობების გაჩენა მოხდეს. ჩვენ დავინახეთ, რომ დარგი ახალი სამუშაო ადგილების გენერირებას ახდენს, განსაკუთრებით აქტუალურია კახეთის რეგიონი, სადაც სეზონური დასაქმების საშუალებებია. ვხედავთ, რომ ძალიან ინტენსიურად და წარმატებით მიმდინარეობს სხვადასხვა ხილის კულტურების დაბინავება, ატმის კულტურას ეხებოდა ეს. საქართველოს სხვადასხვა კუთხიდან 2 000-მდე ადამიანია დასაქმებული.

გვესმის, რომ ეს არის მხოლოდ ერთი ნაწილი. გვესმის, რომ შიდა დასაქმების ახალი პერსპექტივები ჩნდება ქვეყნის ყველა კუთხეში. მოსავლის აღების და დაბინავების ძალიან ინტენსიური სეზონი გვექნება კახეთში, რაც უკავშირდება რთველს. ამის შემდეგ სამუშაო ძალის საჭიროება შიდა ქართლში გვექნება. ჩვენი მოლოდინით მოსავლის წარმატებით დაბინავება გვექნება, იგივე, თხილის კულტურაში და მეზობელ ქვეყნებში სეზონური დასაქმება, რომელიც ჩვენს მოსახლეობაში ძალიან პოპულარული იყო, შეიძლება მნიშვნელოვანწილად ჩავანაცვლოთ საქართველოში შეთავაზებული სამუშაო ადგილებით. ვფიქრობ, ეს იმაზე მეტყველებს, რომ სოფლის მეურნეობაში ბოლო წლებში მიმდინარე ტენდენციები საკმაოდ გაზრდილია,“ - განაცხადა დავითაშვილმა.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →