—

შალვა პაპუაშვილი - ევროკავშირმა უფრო სერიოზულად შეხედოს საკუთარ როლს და გაფართოების პოლიტიკას

49
შალვა პაპუაშვილი - ევროკავშირმა უფრო სერიოზულად შეხედოს საკუთარ როლს და გაფართოების პოლიტიკას
მოსასმენად დააჭირეთ

მნიშვნელოვანი იყო, რომ მოგვეცა შესაძლებლობა ევროკავშირის წევრი ქვეყნების პარლამენტების თავმჯდომარეებთან ერთად მიგვეღო მონაწილეობა კონფერენციაში. მთავარი თემა იყო რუსეთის აგრესია უკრაინის წინააღმდეგ. ჩემს გამოსვლაში…

მნიშვნელოვანი იყო, რომ მოგვეცა შესაძლებლობა ევროკავშირის წევრი ქვეყნების პარლამენტების თავმჯდომარეებთან ერთად მიგვეღო მონაწილეობა კონფერენციაში. მთავარი თემა იყო რუსეთის აგრესია უკრაინის წინააღმდეგ. ჩემს გამოსვლაში მქონდა შესაძლებლობა უკრაინისადმი სოლიდარობა კიდევ ერთხელ დაგვეფიქსირებინა, - ამის შესახებ საქართველოს პარლამენტის თავმჯდომარემ შალვა პაპუაშვილმა ჟურნალისტებთან განაცხადა, რა დროსაც ევროკავშირის წევრი და პარტნიორი ქვეყნების პარლამენტების თავმჯდომარეთა კონფერენცია შეაჯამა.

როგორც შალვა პაპუაშვილმა აღნიშნა, საქართველოსთან დაკავშირებით გადაწყვეტილების მიღების დროა და მნიშვნელოვანია, რომ ევროკავშირმა უფრო სერიოზულად შეხედოს საკუთარ როლს და გაფართოების პოლიტიკას.

როგორც მან აღნიშნა, დღეს არ არის ღია კარზე საუბრის დრო და მნიშვნელოვანია, ევროკავშირმა მიიღოს საქართველოსთვის ევროკავშირის სტატუსის მინიჭების გადაწყვეტილება.

,,სწორედ ამ გეოპოლიტიკური მდგომარეობიდან გამომდინარე, მნიშვნელოვანია, ევროკავშირმა უფრო სერიოზულად შეხედოს საკუთარ როლს, მათ შორის, სამხრეთ კავკასიის რეგიონში. საქართველოსთან დაკავშირებით გადაწყვეტილების მიღების დროა და სწორედ, ამ პერსპექტივიდან გააცნობიეროს და მიიღოს ეს გადაწყვეტილება. დღეს არ არის იმის დრო, რომ იყოს საუბარი ღია კარზე, წინსვლებზე მხოლოდ. საჭიროა გადაწყვეტილებები, რომელსაც ქართველი ხალხი ელის. ჩვენ შარშან იმით, რომ არ მოგვენიჭა სტატუსი, გარკვეულწილად გამოგვაცალკევეს ასოცირების ტრიოდან. მოგვიანებით დადასტურდა, რომ ჩვენ კვლავ ლიდერები ვართ. ამიტომ მნიშვნელოვანია, რომ ეს მდგომარეობა აღდგეს და საქართველო კვლავ დადგეს იმ პოზიციაზე, სადაც იქნება მოლდოვა და უკრაინა წლის ბოლოს’’, - განაცხადა შალვა პაპუაშვილმა.

საქართველოს პარლამენტის თავმჯდომარემ, ასევე, ისაუბრა კონფერენციის ფარგლებში გამართულ შეხვედრებზე.

როგორც მან აღნიშნა, სრული მხარდაჭერაა წევრი ქვეყნების პარლამენტების თავმჯდომარეებისგან, რომ საქართველომ დაიკავოს ის ადგილი, რომელიც ნამდვილად ეკუთვნის კანდიდატის სტატუსის სახით.

,,ამ კონფერენციის ფარგლებში, გვქონდა შესაძლებლობა, შევხვედროდით როგორც ევროკავშირის წევრი ქვეყნების, ისე კანდიდატი ქვეყნების პარლამენტების თავმჯდომარეებს. საუბარი გვქონდა მოლდოვის, უკრაინის პარლამენტების თავმჯდომარეებთან. უპირველეს ყოვლისა, არის სრული მხარდაჭერა წევრი ქვეყნების პარლამენტთა თავმჯდომარეებისგან, რომ საქართველომ დაიკავოს ის ადგილი, რომელიც ნამდვილად ეკუთვნის კანდიდატის სტატუსის სახით. ასევე, კანდიდატ ქვეყნებთან შეხვედრის დროს, გვქონდა საუბარი, თუ როგორ შეიძლება, რომ ჩვენ ერთმანეთს დავეხმაროთ და გამოცდილება გავუზიაროთ’’, - განაცხადა შალვა პაპუაშვილმა.

İpn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →