—

ლევან ხაბეიშვილი - ქვეყნის მასშტაბით 73 მუნიციპალიტეტში, ქალაქში, ჩატარდება არჩევნები

18
ლევან ხაბეიშვილი - ქვეყნის მასშტაბით 73 მუნიციპალიტეტში, ქალაქში, ჩატარდება არჩევნები
მოსასმენად დააჭირეთ

„ერთიანი ნაციონალური მოძრაობის“ თავმჯდომარის, ლევან ხაბეიშვილის განცხადებით, ქვეყნის მასშტაბით 73 მუნიციპალიტეტში, ქალაქში, რაიონში არჩევნები ჩატარდება და პარტიის ამომრჩევლები რაიონულ, საქალაქო ორგანიზაციების…

„ერთიანი ნაციონალური მოძრაობის“ თავმჯდომარის, ლევან ხაბეიშვილის განცხადებით, ქვეყნის მასშტაბით 73 მუნიციპალიტეტში, ქალაქში, რაიონში არჩევნები ჩატარდება და პარტიის ამომრჩევლები რაიონულ, საქალაქო ორგანიზაციების თავმჯდომარეებს და პოლიტიკური საბჭოს წევრებს აირჩევენ.

მისივე თქმით, „ნაციონალურ მოძრაობაში” კარი ასე ღია არასდროს არ ყოფილა.

„უკანასკნელი ერთი თვის განმავლობაში „ნაციონალურმა მოძრაობამ“ სხვადასხვა მუნიციპალიტეტში და ქალაქში 45 ახალი ოფისი გახსნა. შესაბამისად, ინფრასტრუქტურა მზად არის იმისთვის, რომ დაპირებული არჩევნები ჩატარდეს, აბსოლუტურად ყველა მუნიციპალიტეტში, ვგულისხმობ ქალაქებს, რაიონებს და დედაქალაქს. საუბარია 73 საარჩევნო ე.წ. ოლქზე, სადაც ყველგან ჩატარდება არჩევნები. შესაბამისად, “ნაციონალური მოძრაობის” ამომრჩევლები მონაწილეობას გადაწყვეტილების მიღებაში მიიღებენ, თუ ვინ უნდა იყოს ამა თუ იმ ქალაქში რაიონული საქალაქო ორგანიზაციის ხელმძღვანელი და ასევე, ყველა რაიონს, ქალაქს და მუნიციპალიტეტს სამოცდაცამეტივე პოლიტიკურ საბჭოში წარმომადგენელი ეყოლება. 30 აპრილამდე სამუშაო ჯგუფი უნდა შეიქმნას. მინდა ყველა დაინტერესებულ პირს მივმართო, ადამიანს, ვისაც ბიძინა ივანიშვილის წინააღმდეგ ბრძოლაში უნდა თუნდაც ერთი აგურის დადება, 30 აპრილამდე “ნაციონალურ მოძრაობის” ცენტრალურ ბიუროში მოგვმართეთ წერილობით, რომ ჩაერთოთ სამუშაო ჯგუფში ან რაიმე სხვა ინიციატივა გაქვთ.

30 აპრილიდან სამუშაო ჯგუფს დაევალება კონკრეტული თარიღების გამოცხადება, წესის შემუშავება, იმისთვის, რომ ყველა ქალაქში, რაიონში, მუნიციპალიტეტში ამომრჩევლების მიერ არჩეული იქნას და არა დანიშნული პარტიის თავმჯდომარის, სამდივნოს ან პოლიტიკური საბჭოს მიერ.

პოლიტიკური საბჭოს წევრის 73 მანდატი მთლიანად გადავეცით “ნაციონალური მოძრაობის” ამომრჩევლებს და აბსოლუტურად ყველას “ნაციონალური მოძრაობის” წევრებს, მხარდაჭერებს, გულშემატკივრებს შეუძლიათ მონაწილეობა მიიღოს, როგორც არჩევნებში ასევე სამუშაო ჯგუფში, რომ წარმოდგენილები იყვნენ ან რაიმე ინიციატივა აქვთ“, - განაცხადა ხაბეიშვილმა.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →