—

ელჩი - ჩვენ ძალიან მჭიდროდ ვმუშაობთ საქართველოს ხელისუფლებასთან

13
ელჩი - ჩვენ ძალიან მჭიდროდ ვმუშაობთ საქართველოს ხელისუფლებასთან
მოსასმენად დააჭირეთ

ჩვენ ძალიან მჭიდროდ ვმუშაობთ საქართველოს ხელისუფლებასთან. უკვე ერთი წელია, რაც დაიწყო ინფორმაციის გაზიარება საქართველოში გამავალი სავაჭრო ნაკადის შესახებ, - ამის შესახებ საქართველოში აშშ-ის ელჩმა, კელი დეგნანმა…

ჩვენ ძალიან მჭიდროდ ვმუშაობთ საქართველოს ხელისუფლებასთან. უკვე ერთი წელია, რაც დაიწყო ინფორმაციის გაზიარება საქართველოში გამავალი სავაჭრო ნაკადის შესახებ, - ამის შესახებ საქართველოში აშშ-ის ელჩმა, კელი დეგნანმა განაცხადა.

„ჩვენ ძალიან კარგი თანამშრომლობა გვაქვს საბაჟო სამსახურთან, შემოსავლების სამსახურთან, საზღვრის დაცვის სამსახურთან, რომლებთანაც ჩვენ მჭიდრო პარტნიორობა გვაქვს მრავალი წელია, ვატარებთ ტრენინგებს, ვაწვდით აღჭურვილობას. ახლა განსაკუთრებით ღირებულია ეს თანამშრომლობა, როდესაც ასეთი მნიშვნელოვანია იმის მონიტორინგი, თუ რა გადის საქართველოს საზღვრების გავლით. ჩვენ ამ კრიტიკულ დროში საქართველოს ხელისუფლებასთან ძალიან კარგი თანამშრომლობა გვაქვს. საქართველოს ფინანსთა მინისტრსა და ჩვენს სანქციების კოორდინატორს შორის შეხვედრა ამ საკითხზე იყო ფოკუსირებული, რადგან უკრაინაში რუსეთის სასტიკი ომის ფონზე ჩვენ ვხედავთ, როგორ ცდილობს რუსეთი თავიდან აიცილოს სანქციები და ექსპორტის კონტროლის რეგულაციები, რომელიც დაწესებულია არა მხოლოდ შეერთებული შტატების მიერ, არამედ ევროკავშირის, გაერთიანებული სამეფოს, იაპონიის მიერ. ასე რომ, ჩვენი პარტნიორობის მნიშვნელოვანი ნაწილია, გაგრძელდეს ინფორმაციის გაზიარება და გამკაცრდეს კონტროლი, რათა შეწყდეს ისეთი ტვირთის მოძრაობა, რომელსაც რუსეთი უკრაინის წინააღმდეგ ომის მანქანისთვის იყენებს და ჩვენ საქართველოს ხელისუფლებასთან ძალიან კარგად ვთანამშრომლობთ ამ კუთხით,“- აღნიშნა ელჩმა.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →