—

დეპუტატის მანდატის დატოვება პასუხისმგებლობიდან გაქცევაა

20
დეპუტატის მანდატის დატოვება პასუხისმგებლობიდან გაქცევაა
მოსასმენად დააჭირეთ

დეპუტატის მანდატის დატოვება პასუხისმგებლობიდან გაქცევაა - მხოლოდ პარლამენტიდან გასვლა ვერ გაასუფთავებს ამ ადამიანების თანამონაწილეობას ამ პროცესში, - ამის შესახებ "სტრატეგია აღმაშენებლის" ლიდერმა, გიორგი ვაშაძემ…

დეპუტატის მანდატის დატოვება პასუხისმგებლობიდან გაქცევაა - მხოლოდ პარლამენტიდან გასვლა ვერ გაასუფთავებს ამ ადამიანების თანამონაწილეობას ამ პროცესში, - ამის შესახებ "სტრატეგია აღმაშენებლის" ლიდერმა, გიორგი ვაშაძემ განაცხადა, რითაც "ქართული ოცნების" დეპუტატების მხრიდან მანდატების შესაძლო დატოვება შეაფასა.

მისივე თქმით, აღნიშნული ფაქტი ცალსახად მიუთითებს, რომ "ქართულ ოცნებაში" რღვევისა და ჩამოშლის პროცესი მიმდინარეობს.

როგორც ვაშაძე აღნიშნავს, "ქართული ოცნების" დეპუტატები პასუხისმგებლობას კი არ უნდა გაექცნენ, არამედ პარლამენტში უნდა დარჩნენ და მკაფიოდ დააფიქსირონ, რომ არ არიან "ქართული ოცნების" რუსული პოლიტიკის მხარეს.

"დეპუტატის მანდატის დატოვება არის პასუხისმგებლობიდან გაქცევა. თავისთავად ის ფაქტი, რომ ჩამოშლილია "ქართული ოცნება" ძალიან კარგია და მივესალმები ამას. ყველას, ვისაც აქვს მანდატი, უნდა შეინარჩუნოს და ქართველი ხალხის წინაშე საკუთარი პასუხისმგებლობის რეალიზება მოახდინოს - დაუპირისპირდეს რუსეთისგან მომავალ გადაწყვეტილებებს და რეალურად ხალხს რაც უნდა, ის აკეთოს პარლამენტში. გაქცევა არც ერთ შემთხვევაში არ ნიშნავს, რომ გაკეთილშობილდებიან ეს ადამიანები. გაქცევა სიმხდალეა, ღირსება არის დარჩენა და ბრძოლა ქვეყნის ეროვნული ინტერესებისთვის," - განაცხადა ვაშაძემ.

რაც შეეხება განათლების მინისტრის ცვლილებას, ვაშაძის განცხადებით, „ქართული ოცნება“ ფიქრობს, რომ მინისტრის ცვლილების შემთხვევაში, ახალგაზრდებს ძალისმიერი მეთოდებით დაელაპარაკება, რაც არც ერთ შემთხვევაში არ მოხდება.

„მშიშარა და ჩამოშლის პირას მყოფი "ქართული ოცნება" ფიქრობს, რომ განათლების მინისტრის შეცვლის შემთხვევაში, ძალისმიერი მეთოდებით დაელაპარაკება ახალგაზრდებს ან საგანმანათლებლო წრეებს და ამით რამეს გამოასწორებს. არც ერთ შემთხვევაში ეს არ მოხდება. ვიდრე ბატონი ამილახვარი დეპუტატი გახდებოდა, "ნაცმოძრაობის" გულშემატკივარი იყო და ახლა ფიქრობს, რომ მინისტრის პორტფოლიოში გადაბარგებით რამე პერსონალურ ბენეფიტს მიიღებს. ყველა ადამიანი, ვინც რუსული რეჟიმის დავალებებს შეასრულებს, სამწუხაროდ, ცხოვრების ბოლომდე მძიმე დაღის მატარებელი იქნება,“ - განაცხადა ვაშაძემ.

İpn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →