—

კატერინა მატერნოვა - საქართველოსთვის კანდიდატის სტატუსის მინიჭება არ მოხდება 12 ნაბიჯის შესრულების გარეშე

19
კატერინა მატერნოვა - საქართველოსთვის კანდიდატის სტატუსის მინიჭება არ მოხდება 12 ნაბიჯის შესრულების გარეშე
მოსასმენად დააჭირეთ

ვერ გეტყვით, ამ ეტაპზე მოხდება თუ არა საქართველოსთვის კანდიდატის სტატუსის მინიჭება, თუმცა შემიძლია, გითხრათ, რომ ეს არ მოხდება 12 ნაბიჯის შესრულების გარეშე, ამისთვის საპარლამენტო პარტიებმა უნდა იმუშაონ ერთად, – ამის…

ვერ გეტყვით, ამ ეტაპზე მოხდება თუ არა საქართველოსთვის კანდიდატის სტატუსის მინიჭება, თუმცა შემიძლია, გითხრათ, რომ ეს არ მოხდება 12 ნაბიჯის შესრულების გარეშე, ამისთვის საპარლამენტო პარტიებმა უნდა იმუშაონ ერთად, – ამის შესახებ ევროკომისიის სამეზობლოსა და გაფართოების შესახებ მოლაპარაკებების გენერალურმა დირექტორმა, კატერინა მატერნოვამ პოლიტიკური პარტიების წარმომადგენლებთან შეხვედრის შემდეგ ჟურნალისტებს განუცხადა.

„ერთი საკითხი, რომელზეც ვისაუბრე პოლიტიკური პარტიების წარმომადგენლებთან, ასევე საგარეო საქმეთა მინისტრთან არის ის, რომ საჭიროა არა მხოლოდ ტექნიკური ნაბიჯების გადადგმა, რათა გახდეს ქვეყანა ევროკავშირის ნაწილი, არამედ საქმე ეხება პოლიტიკურ კულტურას, კომპრომისების მიღწევის და, ამ შემთხვევაში, 12 პუნქტის შესასრულებლად გაერთიანების უნარს. მე ვერ გეტყვით, ამ ეტაპზე მოხდება თუ არა კანდიდატის სტატუსის მინიჭება, თუმცა შემიძლია, გითხრათ, რომ ეს არ მოხდება 12 ნაბიჯის შესრულების გარეშე. ამისთვის საპარლამენტო პარტიებმა უნდა იმუშაონ ერთად“, – აღნიშნა კატერინა მატერნოვამ.

ამასთან, კითხვაზე, რეკომენდაციებთან დაკავშირებით თუ ხედავს რაიმე პროგრესს, ევროკომისიის სამეზობლოსა და გაფართოების შესახებ მოლაპარაკებების გენერალურმა დირექტორმა აღნიშნა, რომ „ქართული ოცნების“ წევრებისგან მოისმინა, რომ ინკლუზიური პროცესის ფარგლებში, მზად არიან, იმუშაონ რეკომენდაციების შესრულებაზე.

„ერთ-ერთი კარგი ელემენტი იყო ვენეციის კომისიის მიერ გუშინ გამოქვეყნებულ ორ ძალიან მნიშვნელოვან მოსაზრებაზე რეაგირება, სასამართლო რეფორმასა და საზოგადოების დეოლიგარქიზაციაზე. „ქართული ოცნების“ უმრავლესობის წარმომადგენლებისგან მოვისმინეთ, რომ არის მზადყოფნა, იმუშაონ რეკომენდაციების შესრულებაზე და ეს გააკეთონ ინკლუზიური პროცესის ფარგლებში. ვფიქრობ, ეს არის ჩვენი კონსულტაციების ძალიან იმედისმომცემი დასასრული“, – განაცხადა კატერინა მატერნოვამ.

1tv.ge

შეაფასეთ
სტატიის ავტორიაიდა რუსთამოვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →