—

რუსეთმა უკრაინაში მებრძოლ საქართველოს ხუთ მოქალაქეზე ძებნა გამოაცხადა

37
რუსეთმა უკრაინაში მებრძოლ საქართველოს ხუთ მოქალაქეზე ძებნა გამოაცხადა
მოსასმენად დააჭირეთ

უკრაინაში მებრძოლი ხუთი ქართველი ჯარისკაცი რუსეთმა საერთაშორისო ძებნილთა სიაში შეიყვანა, - ამის შესახებ ინფორმაციას რუსული მედია რუსეთის ფედერაციის საგამოძიებო კომიტეტის პრესსამსახურზე დაყრდნობით ავრცელებს.

უწყება ამბობს, რომ საერთაშორისო ძებნაში გამოცხადებულ ხუთ მოქალაქეს წარსულში რუსეთმა დაუსწრებლად წარუდგინა ბრალი და აღმკვეთი ღონისძიების სახით პატიმრობა შეუფარდა.

მათივე ინფორმაციით, მათ მოპოვებული აქვთ მტკიცებულებები უკრაინის მხარეს მებრძოლი "ქართული ნაციონალური ლეგიონის" კიდევ 3  წევრის შესახებ, რომლებსაც იგივე ბრალდება აქვთ წაყენებული.

"უკრაინელების მხარეს დაქირავებული მებრძოლების საომარ მოქმედებებში მონაწილეობის ფაქტების გამოძიების ფარგლებში, გამოძიებამ საერთაშორისო ძებნაში გამოაცხადა საქართველოს ხუთი მოქალაქე, რომლებსაც წარსულში დაუსწრებლად წარედგინათ ბრალი და აღკვეთის ღონისძიების სახით პატიმრობა შეეფარდათ. ამასთან ერთად, მოპოვებულია მტკიცებულებები "ქართულ ნაციონალურ ლეგიონში" საქართველოს კიდევ სამი მოქალაქის მონაწილეობის შესახებ, მათაც მსგავსი ბრალდებები აქვთ წაყენებული", - ვკითხულობთ განცხადებაში.

უწყება განმარტავს, რომ ამ დროისთვის ისინი "უცხო ქვეყნებიდან დაქირავებული მებრძოლების" დაჭერისთვის საჭირო მონაცემებს აგროვებენ. 

(mtavari)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →