—

ევროკომისიამ რუსეთის წინააღმდეგ სანქციების მეათე პაკეტი წარადგინა

10
ევროკომისიამ რუსეთის წინააღმდეგ სანქციების მეათე პაკეტი წარადგინა
მოსასმენად დააჭირეთ

ევროკომისიამ, უკრაინაში აგრესიული ომის დაწყებიდან თითქმის ერთი წლის თავზე, რუსეთის წინააღმდეგ სანქციების მეათე პაკეტი წარადგინა, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

“თითქმის ერთი წელია, რუსეთის აგრესიული ომი სიკვდილსა და ნგრევას თესავს. პუტინი სასტიკ ომს აწარმოებს არა მხოლოდ ბრძოლის ველზე, არამედ სასტიკად უმიზნებს მშვიდობიან მოსახლეობას. ამის გამო აგრესორმა უნდა გადაიხადოს. დღეს ჩვენ ვაძლიერებთ ზეწოლას სანქციების მე-10 პაკეტით. პირველ რიგში, ჩვენ ვთავაზობთ 11 მილიარდ ევროზე მეტი ღირებულების ექსპორტის აკრძალვას. ეს მოიცავს სასიცოცხლო მნიშვნელობის საქონელს, როგორიცაა ელექტრონიკა, სპეციალიზებული მანქანები, მანქანების ნაწილები, სატვირთო მანქანების სათადარიგო ნაწილები და რეაქტიული ძრავები და ასევე საქონელი სამშენებლო სექტორისთვის, რომელიც შეიძლება რუსი სამხედროებისთვის იქნას გამოყენებული”, - განაცხადა ურსულა ფონ დერ ლაიენმა.

მისი თქმით, სანქციები ითვალისწინებს ბრძოლის ველზე აღმოჩენილი ტექნიკური პროდუქტების ექსპორტზე შეზღუდვების დაწესებას, ეს მოიცავს სანქციებს ირანულ სუბიექტებზე, რომლებიც დაკავშირებულია ირანის ისლამური რევოლუციის გვარდიის კორპუსთან.

ამასთან, ურსულა ფონ დერ ლაიენის ინფორმაციით, სანქციები მოიცავს პუტინის პროპაგანდისტებისა და სამხედრო მეთაურების სიას.

“მესამე პუნქტი ეხება რუსეთის პროპაგანდისტულ მანქანას. პუტინი ასევე აწარმოებს ომს საჯარო სივრცეში, პროპაგანდისტების არმიით და დეზინფორმაციული ქსელებით. ისინი ავრცელებენ ტოქსიკურ ტყუილს ჩვენი საზოგადოების პოლარიზაციის მიზნით. ამიტომ, ჩვენ ვთავაზობთ პუტინის პროპაგანდისტების, ასევე სამხედრო და პოლიტიკური მეთაურების სიაში შეყვანას”, - განაცხადა ევროკომისიის პრეზიდენტმა.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →