—

მთავრობის ადმინისტრაციასთან „ნაციონალური მოძრაობის“ აქცია მიმდინარეობს

19
მთავრობის ადმინისტრაციასთან „ნაციონალური მოძრაობის“ აქცია მიმდინარეობს
მოსასმენად დააჭირეთ

მთავრობის ადმინისტრაციის შენობის წინ „ნაციონალური მოძრაობის“ მიერ დაანონსებული აქცია დაიწყო.

მთავრობის ადმინისტრაციის შენობის წინ „ნაციონალური მოძრაობის“ მიერ დაანონსებული აქცია დაიწყო.

როგორც „ნაციონალური მოძრაობის“ წევრმა, ირაკლი ნადირაძემ განაცხადა, საპროტესტო აქციები გაგრძელდება მანამ, ვიდრე მიხეილ სააკაშვილს უცხოეთში სამკურნალოდ არ გაუშვებენ.

„გუშინ, ფაქტობრივად ე.წ. მოსამართლემ კრემლის გადაწყვეტილება გააჟღერა. დიახ, გუშინ რუსი ოლიგარქი ივანიშვილის ხელით, პუტინმა გამოუტანა მიხეილ სააკაშვილს სასიკვდილო განაჩენი, რომ მისი ციხეში დარჩენა ნიშნავს მის გარდაუვალ სიკვდილს. ჩვენ მოვისმინეთ არაერთი საერთაშორისო ძალიან ავტორიტეტული ექსპერტების და ექიმების დასკვნა, მისი ჯანმრთელობის მდგომარეობასთან დაკავშირებით, რომ მიხეილ სააკაშვილი დიდი ალბათობით მოწამლულია.

თუ ჩვენ, საზოგადოებამ მიხეილ სააკაშვილის სიკვდილი დავუშვით, ეს ნიშნავს იმას, რომ ქვეყანა ამ სირცხვილს თაობების განმავლობაში ვერ ჩამოირეცხავს. აქციები მწვავე ფორმის იქნება და გაგრძელდება მანამ, ვიდრე მიხეილ სააკაშვილს უცხოეთში არ გადაიყვანენ", - განაცხადა ირაკლი ნადირაძემ.

ამასთან, აქციაზე ასევე იმყოფებიან „სტრატეგია აღმაშენებელის“, „გირჩი- მეტი თავისუფლების“ წარმომადგენლები და სხვა ოპოზიციონერი პოლიტიკოსები.

ადგილზე პოლიციის რამდენიმე ეკიპაჟია მობილიზებული.

შეგახსენებთ, „ნაციონალურმა მოძრაობამ“ პროტესტის უწყვეტი ტალღა მას შემდეგ დააანონსა, რაც თბილისის საქალაქო სასამართლომ საქართველოს მესამე პრეზიდენტის, მიხეილ სააკაშვილისთვის სასჯელის გადავადებაზე უარი თქვა.

მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით ექსპრეზიდენტის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე დაახლოებით, ორი თვე განიხილავდა.

İpn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →