—

ალიევი საქართველოს მონაწილეობით სატრანსპორტო მმართველი საბჭოს შექმნის ინიციატივით გამოდის

15
ალიევი საქართველოს მონაწილეობით სატრანსპორტო მმართველი საბჭოს შექმნის ინიციატივით გამოდის
მოსასმენად დააჭირეთ

აზერბაიჯანის პრეზიდენტი, ილჰამ ალიევი ტრანსკასპიური კორიდორის მმართველი კომიტეტის შექმნის ინიციატივით გამოდის, რომელიც, საქართველოს მონაწილეობით, ყველა ჩართული ქვეყნის ერთგვარი საბჭო იქნება. ამის შესახებ ალიევმა დავოსის…

აზერბაიჯანის პრეზიდენტი, ილჰამ ალიევი ტრანსკასპიური კორიდორის მმართველი კომიტეტის შექმნის ინიციატივით გამოდის, რომელიც, საქართველოს მონაწილეობით, ყველა ჩართული ქვეყნის ერთგვარი საბჭო იქნება. ამის შესახებ ალიევმა დავოსის მსოფლიო ეკონომიკური ფორუმის ფარგლებში გამართულ პანელურ სხდომაზე განაცხადა, რომლის თემასაც წარმოადგენდა „ევრაზიის შუა დერეფანი: გზიდან მაგისტრალამდე,“ - ინფორმაციას „ინტერფაქს-აზერბაიჯანი“ ავრცელებს.

„აუცილებელია, შევქმნათ ერთგვარი მმართველი კომიტეტი, რომელიც ცენტრალური აზიის ყველა ჩართული ქვეყნის, ასევე, აზერბაიჯანის, საქართველოს, თურქეთისა და ევროპელი პარტნიორების საბჭო იქნება და მთელ სატრანსპორტო ინფრასტრუქტურას გააერთიანებს,“ - აცხადებს ალიევი.

მისი შეფასებით, აზერბაიჯანს კასპიის ზღვაში 53 გემით ყველაზე დიდი სავაჭრო ფლოტი აქვს, თუმცა თურქმენეთის, ყაზახეთის, აზერბაიჯანის პორტები, ასევე, სარკინიგზო ხაზები შუა აზიის ქვეყნებს შორის ერთმანეთთან ცუდად კოორდინირებს.

„ისინი ცუდად არიან ერთმანეთთან დაკავშირებული,“ - ხაზგასმით აცხადებს აზერბაიჯანის პრეზიდიენტი.

ამადენად, ილჰამ ალიევი მიიჩნევს, რომ „აღმოსავლეთ-დასავლეთის“ სატრანსპორტო დერეფნის განვითარება აუცილებელია.

„ასევე, მნიშვნელოვანია ამ გადაზიდვების უპირატესობებზე მუშაობა არა მხოლოდ „აღმოსავლეთ-დასავლეთის,“ არამედ „დასავლეთ-აღმოსავლეთის“ მარშრუტზე. ჯერჯერობით, ყველაზე მეტი ყურადღება იმას ექცევა, თუ როგორ იქნეს ტრანსპორტირებული საქონელი ჩინეთიდან და ცენტრალური აზიიდან ევროპაში. თუმცა ჩვენ, ასევე, უნდა ვიფიქროთ საქონლის საპირისპირო მიმართულებით ტრანსპორტირებაზეც,“ - აცხადებს ალიევი.

პრეზიდენტმა, ასევე, აღნიშნა, რომ ჩინეთის მიერ ინიცირებული ახალი ჩინეთი-ყირგიზეთი-უზბეკეთის სარკინიგზო პროექტი საბოლოოდ კასპიის ზღვას, შემდეგ კი აზერბაიჯანს მიაღწევს.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →