—

რუსეთის საგარეო უწყების წარმომადგენელი - უკრაინასთან მოლაპარაკებები პირდაპირ, მედიატორების გარეშე უნდა გაიმართოს

10
რუსეთის საგარეო უწყების წარმომადგენელი - უკრაინასთან მოლაპარაკებები პირდაპირ, მედიატორების გარეშე უნდა გაიმართოს
მოსასმენად დააჭირეთ

რუსეთსა და უკრაინას შორის მოლაპარაკებები, განახლების შემთხვევაში, დიდი ალბათობით პირდაპირი იქნება, მედიატორების გარეშე, რაც საუკეთესო ვარიანტია, - ამის შესახებ რუსეთის საგარეო საქმეთა სამინისტროს დსთ-ს მეორე…

რუსეთსა და უკრაინას შორის მოლაპარაკებები, განახლების შემთხვევაში, დიდი ალბათობით პირდაპირი იქნება, მედიატორების გარეშე, რაც საუკეთესო ვარიანტია, - ამის შესახებ რუსეთის საგარეო საქმეთა სამინისტროს დსთ-ს მეორე დეპარტამენტის დირექტორმა ალექსეი პოლონჩუკმა TASS-თან ინტერვიუში განაცხადა.

„თუ და როდესაც ეს კონტაქტები განახლდება, ისინი, დიდი ალბათობით, პირდაპირიც იქნება და ეს იქნება საუკეთესო ვარიანტი, რადგან გამოცდილებამ აჩვენა, რომ დასავლელი შუამავლები ხშირად ახორციელებენ საკუთარ მიზნებს და ცდილობენ მოლაპარაკებებზე გავლენა მოახდინონ და მოქმედებენ არა კონფლიქტის მოგვარებისთვის, არამედ საკუთარი პოლიტიკური და ეკონომიკური ინტერესებიდან გამომდინარე“, - განაცხადა მან, რითაც უპასუხა შეკითხვას, არის თუ არა რუსული მხარე მზად მომავალი მოლაპარაკებებისთვის უშუალოდ კიევის დღევანდელ ხელისუფლებასთან.

ალექსეი პოლონჩუკის განცხადებით, უკრაინულ მხარესთან შარშანდელი მოლაპარაკებები პირდაპირი იყო.

„აქამდე ჩვენ მხოლოდ უშუალოდ ვურთიერთობდით უკრაინელებთან, იმ პლატფორმების გამოყენებით, რომელსაც გვთავაზობდნენ, რასაც ჩვენ ნამდვილად ვაფასებთ. რუსეთ-უკრაინული დიალოგის სამი რაუნდი ბელორუსში, ერთი კი თურქეთში გასული წლის თებერვალ-აპრილში გაიმართა. მოგვიანებით თითქმის ყოველდღიური კონტაქტები იმართებოდა ვიდეო კავშირის საშუალებით, ეს იყო პირდაპირი მოლაპარაკებები უკრაინელებთან“, - აღნიშნა მან.

(ipn)
 

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →