—

პაატა მანჯგალაძის შეფასებით, მიხეილ სააკაშვილის წინააღმდეგ სპეცოპერაცია მიმდინარეობს და დღევანდელი სასამართლო პროცესიც ამის ნაწილია

14
პაატა მანჯგალაძის შეფასებით, მიხეილ სააკაშვილის წინააღმდეგ სპეცოპერაცია მიმდინარეობს და დღევანდელი სასამართლო პროცესიც ამის ნაწილია
მოსასმენად დააჭირეთ

„სტრატეგია აღმაშენებლის“ ერთ-ერთი ლიდერის, პაატა მანჯგალაძის შეფასებით, საქართველოს მესამე პრეზიდენტის მიხეილ სააკაშვილის წინააღმდეგ სპეცოპერაცია მიმდინარეობს და დღევანდელი სასამართლო პროცესიც ამის ნაწილია.

„სტრატეგია აღმაშენებლის“ ერთ-ერთი ლიდერის, პაატა მანჯგალაძის შეფასებით, საქართველოს მესამე პრეზიდენტის მიხეილ სააკაშვილის წინააღმდეგ სპეცოპერაცია მიმდინარეობს და დღევანდელი სასამართლო პროცესიც ამის ნაწილია.

როგორც მან ჟურნალისტებს განუცხადა, მიხეილ სააკაშვილი გადარჩება, თუ საერთაშორისო სანქციები გახდება რეალური, მათ შორის იქნება „მაგნიტსკის სიის“ მსგავსი სია და თუ ბევრი ხალხი გამოვა ქუჩაში.

„ჩვენ რომ ნორმალური სასამართლო გვქონდეს, დღეს ვიტყოდი, რომ სასამართლომ გადაწყვიტოს, მაგრამ ამას ვერ ვამბობ, რადგან სასამართლო არ გვაქვს. ყველანაირი მტკიცებულება აქვს მიხეილ სააკაშვილის დაცვის მხარეს, რომ დარბაზიდან დღესვე მიეცეს შესაძლებლობა მიხეილ სააკაშვილის სამკურნალოდ გადაყვანის, მაგრამ ამას არ გააკეთებენ. არ გააკეთებენ იმიტომ, რომ ვიღაცამ გადაწყვიტა მათთვის პოლიტიკურად მიუღებელი ადამიანი პოლიტიკური სცენიდან გაიყვანოს. მიხეილ სააკაშვილის წინააღმდეგ სპეცოპერაცია მიმდინარეობს და ამ სპეცოპერაციას ვუყურებთ ჩვენ დღეს. ეს სასამართლო ამ სპეცოპერაციის ნაწილია. ის ერთ შემთხვევაში გადარჩება, თუ საერთაშორისო სანქციები გახდება რეალური, მათ შორის „მაგნიტსკის სიის“ მსგავსი სია და თუ ბევრი ხალხი გამოვალთ ქუჩაში. მინდა მოქალაქეებს მივმართო, აქ არ წყდება მხოლოდ მიხეილ სააკაშვილის სიკვდილ-სიცოცხლის საკითხი, აქ წყდება საქართველოს ევროპაში ინტეგრაციის საკითხიც, რადგან ევროპაში არ მიიღებენ ქვეყანას, სადაც ვიღაცის პოლიტიკური მიზანშეწონილობიდან გამომდინარე, ყოფილ პრეზიდენტს კლავენ“,-განაცხადა მანჯგალაძემ.

ცნობისთვის, საქართველოს ყოფილი პრეზიდენტისთვის, მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით, თბილისის საქალაქო სასამართლოში პროცესი მიმდინარეობს.

სხდომას სააკაშვილი ჯანმრთელობის მდგომარეობიდან გამომდინარე დისტანციურადაც არ ესწრება.

დღევანდელ სასამართლო პროცესზე უცხოელ ექსპერტებს, ნობელის პრემიის ლაურეატ ექიმს, ჯეიმს კობსა და ექიმი სტიუარტ ფინკელს დაკითხავენ.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →