—

ჯო ბაიდენი - აშშ უკრაინაში ჯარისკაცებს არ გააგზავნის

14
ჯო ბაიდენი - აშშ უკრაინაში ჯარისკაცებს არ გააგზავნის
მოსასმენად დააჭირეთ

აშშ-ის პრეზიდენტის, ჯო ბაიდენის განცხადებით, შეერთებული შტატები უკრაინაში ჯარისკაცების გაგზავნას არ გეგმავს.

კითხვაზე, გეგმავს თუ არა მისი ადმინისტრაცია უკრაინაში სამხედროების გაგზავნას, ბაიდენმა უპასუხა: „გავაგზავნით თუ არა ჩვენს სამხედროებს უკრაინაში? არა, ჩვენ გავაგზავნით მასალებს, როგორც აქამდე, მილიონობით დოლარის ღირებულების“.

ნოემბერში ბაიდენის ადმინისტრაციამ კონგრესს უკრაინის მხარდაჭერის მიზნით დამატებითი დაფინანსების თხოვნით მიმართა.

СNN-ის ცნობით, მენეჯმენტისა და ბიუჯეტის ოფისის დირექტორმა შალანდა იანგმა წარმომადგენელთა პალატის სპიკერს, ნენსი პელოსის წერილი გაუგზავნა, სადაც დეტალურად იყო აღწერილი უკრაინის დახმარებისთვის 37.7 მილიარდი დოლარის მოთხოვნა.

21.7 მილიარდი დოლარი გათვალისწინებულია უკრაინის სამხედრო აღჭურვილობისთვის, ასევე სამხედრო, სადაზვერვო და სხვა სახის თავდაცვითი მხარდაჭერისთვის; 14.5 მილიარდი დოლარი – უკრაინის ბიუჯეტის პირდაპირი მხარდაჭერისთვის, გლობალური სასურსათო უსაფრთხოების გაძლიერებისა და ჰუმანიტარული დახმარებისთვის, 626 მილიონი დოლარი – უკრაინის ბირთვული უსაფრთხოების მხარდაჭერისთვის და ნავთობის სტრატეგიული რეზერვის მოდერნიზებისთვის, 900 მილიონი დოლარი – ჯანდაცვისა და ადამიანური სერვისების დეპარტამენტისთვის სტანდარტული სამედიცინო დახმარების, მათ შორის გათავისუფლებული უკრაინელი ტყვეებისთვის, უზრუნველყოფისთვის.

(წყარო:  ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →