—

"ხორბალსა და ფქვილზე ფასები, შესაძლოა, ახალ წლამდე შემცირდეს" - სილაგავა

193
"ხორბალსა და ფქვილზე ფასები, შესაძლოა, ახალ წლამდე შემცირდეს" - სილაგავა
მოსასმენად დააჭირეთ

რუსეთს, უკრაინას და თურქეთს შორის ე.წ. მარცვლეულის დერეფანზე შეთანხმებამ მსოფლიო ბაზარზე ხორბლის ფასებზე ზეწოლა მოხსნა. როგორც ხორბლისა და ფქვილის მწარმოებელთა ასოციაციის დირექტორი, ლევან სილაგავა BMG-სთან აღნიშნავს…

რუსეთს, უკრაინას და თურქეთს შორის ე.წ. მარცვლეულის დერეფანზე შეთანხმებამ მსოფლიო ბაზარზე ხორბლის ფასებზე ზეწოლა მოხსნა. როგორც ხორბლისა და ფქვილის მწარმოებელთა ასოციაციის დირექტორი, ლევან სილაგავა BMG-სთან აღნიშნავს, ფასებზე დადებითად მოქმედებს ის კომპრომისული შეთანხმება, რომლის მიხედვით, უკრაინულ ხორბალთან ერთდ, რუსული ხორბალი და სასუქები შეუფერხებლად გავა საერთაშორისო ბაზარზე.

„19 ნოემბერს უკრაინის მარცვლეულის დერეფანი კიდევ ოთხი თვით გაგრძელდა. ინტენსიური მოლაპარაკებები მიდიოდა რუსეთთან, იმასთან დაკავშირებით, რომ ეს დერეფანი გაგრძელებულიყო. მსოფლიოს უკრაინის პორტებიდან სჭირდება მარცვლეული და შესაბამისად, ეს ფაქტორი საკმაოდ ძაბავდა ბირჟებზე მდგომარეობს. ახლა ეს რისკი მოხსნილია. მეორე დადებითი ფაქტორი ის არის, რომ რუსული ხორბლის მსოფლიო ბაზარზე შეუფერხებლად გასვლის შესახებ შეთანხმება მიღწეულია. აგრეთვე შეუფერხებლად გავა მსოფლიო ბაზარზე რუსული სასუქიც. ეს ორივე დადებითი ტენდენცია უახლოეს მომავალში მსოფლიო ბაზრებზეც აისახება“, - აცხადებს ლევან სილაგავა.

როგორც სილაგავა აღნიშნავს, ამ ფაქტორების გათვალისწინებით, უახლოეს მომავალში ხორბლის ფასი კლებას დაიწყებს.

„ფასების კლების პირველი ნიშანი ის არის, რომ პარასკევს ბირჟაზე ხორბლის ფასი დაახლოებით 3%-ით შემცირდა. გამომდინარე იქიდან, რომ უკრაინა და რუსეთი ჩვენი რეგიონის ქვეყნებია, ეს ჩვენზეც დადებითად აისახება. უახლოეს მომავალში ფასების მინიმუმ სტაბილიზაციას და შემდეგ უკვე კლებას ველოდებით. შეიძლება, ეს ახალ წლამდეც იყოს. აქედან გამომდინარე, ველოდებით ფქვილის ფასის შემცირებასაც. 1 ტომარა 50 კგ-იანი ფქვილის ფასი, შესაძლოა, 1-2 ლარის ფარგლებში კიდევ შემცირდეს“, - აცხადებს ხორბლისა და ფქვილის მწარმოებელთა ასოციაციის დირექტორი, ლევან სილაგავა.

ინფორმაციისთვის: 17 ნოემბერს, სტამბოლში გამართულ შეხვედრაზე რუსეთისა და უკრაინის წარმომადგენლებს შორის შეთანხმება შედგა, რის შედეგად ე.წ. "მარცვლეულის შეთანხმება" დამატებით 120 დღით გაგრძელდა. აღნიშნული შეთანხმება რუსეთის მხრიდან წარმოადგენს იმის გარანტიას, რომ უკრაინული პროდუქციით დატვირთული გემები უსაფრთხო კორიდორს მიიღებენ და სოფლის მეურნეობის პროდუქციის ექსპორტზე გატანას შეძლებენ. აღსანიშნავია, რომ ამბის გავრცელებიდან რამდენიმე წუთში საერთაშორისო ბირჟაზე ხორბლის ფასი 2.3%-ით შემცირდა და ბუშელი მარცვლეულის ღირებულებამ 798 დოლარი შეადგინა.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →