—

ვოლოდიმირ ზელენსკი - ყველა ამბობს, რომ ნატო-ს კარი ღიაა, მაგრამ საჭიროა ამ კარამდე მიღწევა

13
ვოლოდიმირ ზელენსკი - ყველა ამბობს, რომ ნატო-ს კარი ღიაა, მაგრამ საჭიროა ამ კარამდე მიღწევა
მოსასმენად დააჭირეთ

უკრაინას სჭირდება უსაფრთხოების გარანტიები. მსოფლიოს სჭირდება უკრაინისთვის უსაფრთხოების გარანტიები, რადგან ამაზეა დამოკიდებული სტაბილურობა, - ამის შესახებ უკრაინის პრეზიდენტმა, ვოლოდიმირ ზელენსკიმ CNN-თან ინტერვიუში…

უკრაინას სჭირდება უსაფრთხოების გარანტიები. მსოფლიოს სჭირდება უკრაინისთვის უსაფრთხოების გარანტიები, რადგან ამაზეა დამოკიდებული სტაბილურობა, - ამის შესახებ უკრაინის პრეზიდენტმა, ვოლოდიმირ ზელენსკიმ CNN-თან ინტერვიუში განაცხადა, რითაც უპასუხა შეკითხვას, დარწმუნებულია თუ არა, რომ უკრაინა მიიღებს უსაფრთხოების გარანტიებს.

მისი თქმით, თუკი ნატო-ში გაწევრიანების გზა იმაზე გრძელი იქნება, ვიდრე უკრაინას სურს, მან უსაფრთხოების გარანტიები ალიანსში გაწევრიანებამდე უნდა მიიღოს.

„გამარჯვების შემდეგ, მშვიდობის დამყარების შემდეგ, არ გვსურს ისევ დავუბრუნდეთ იგივე სიტუაციას და ეს შეიძლება მოხდეს. როგორც გითხარით, რუსეთის ამჟამინდელ ხელისუფლებას უნდა პაუზა ამა თუ იმ ფორმით, მინსკის შეთანხმების მსგავსი, ან სხვა შეთანხმებით, მათ სურთ პაუზა. ისინი მოიკრებენ ძალებს, ფულს, იარაღს, დაიწყებენ მზადებას და როდესაც ყველაფერ ამას მოამზადებენ, ისინი დაიწყებენ თავდასხმას, რადგან მათ ერთადერთი მიზანი აქვთ - ჩვენი განადგურება. აი, რატომ გვჭირდება უსაფრთხოების გარანტიები.

გვჯერა, უკვე ვაჩვენეთ მსოფლიოს ჩვენი ძალა და შესაძლებლობები. ვფიქრობ, მინიმუმ ნატო-ს წევრი ქვეყნების დონეზე ვართ და ვფიქრობ, სამართლიანია, თუკი იმავე უსაფრთხოების წრესა და ალიანსში ვიქნებით, რადგან ნატო-ს ქვეყნებს შორის ომები არ არის, მაგრამ თუ ეს გზა უფრო გრძელია, ვიდრე ჩვენ გვსურს იყოს, სამწუხაროდ, ზოგიერთი ქვეყნის ლიდერის გარკვეული პირადი დამოკიდებულების გამო, მე ხაზს ვუსვამ, ლიდერების და არა საზოგადოებების, რადგან ყველა საზოგადოება მხარს გვიჭერს ჩვენ. თუკი ეს გზა უფრო ძნელია, ვიდრე ჩვენ შეგვიძლია, მაშინ, ამ გზაზე ჩვენ დაგვჭირდება უსაფრთხოების გარანტიები იმისთვის, რომ ნატო-ს წევრობას მივაღწიოთ, რადგან ყველა ამბობს, რომ ნატო-ს კარი ღიაა, მაგრამ საჭიროა ამ კარამდე მიღწევა“, - აღნიშნა ზელენსკიმ.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →