—

თურქეთი, უკრაინა და გაერო 16 გემის გადაადგილების გეგმაზე შეთანხმდნენ

13
თურქეთი, უკრაინა და გაერო 16 გემის გადაადგილების გეგმაზე შეთანხმდნენ
მოსასმენად დააჭირეთ

უკრაინა, თურქეთი და გაერო მარცვლეულით დატვირთული 16 გემის გადაადგილების გეგმაზე შეთანხმდნენ - მედიების ცნობით, გემები საზღვაო ჰუმანიტარულ დერეფანს დღეს, 31 ოქტომბერს გაივლიან.

ამის შესახებ წერს რუსული სამთავრობო მედია და აღნიშნავს, რომ გაერომ რუსულ მხარეს ინფორმაცია უკვე მიაწოდა. მათი განცხადებით, დერეფნის გავლას, ჯამში, 21 გემი ელოდება.

29 ოქტომბერს რუსეთის თავდაცვის სამინისტრომ განაცხადა, რომ რუსეთი უკრაინასთან მარცვლეულის შეთანხმებას წყვეტს.

უწყების თქმით, მათ ეს გადაწყვეტილება უკრაინის მხრიდან ანექსირებულ სევასტოპოლში, შავ ზღვაში რუსულ გემებზე დრონებით თავდასხმის შემდეგ მიიღეს. 

რუსეთის თავდაცვის სამინისტროს თქმით, უკრაინა ანექსირებული ყირიმის ქალაქ სევასტოპოლში შავ ზღვაში არსებულ გემებს 16 დრონით დაესხა თავს. რუსეთის თქმით, ეს უკრაინის მხრიდან ტერორისტული თავდასხმა იყო. 

თავდაცვის სამინისტრო ამტკიცებს, რომ ის გემები, რომელსაც უკრაინა თავს დაესხა ჩართულები არიან შავი ზღვის მარცვლეულის დერეფნის დაცვაში. 

რუსეთის თავდაცვის უწყებამ ასევე განაცხადა, რომ სევასტოპოლზე თავდასხმა “ბრიტანელი სპეციალისტების” კოორდინაციით მოხდა. 

რუსეთის შეთანხმებიდან გასვლას გამოეხმაურა ევროკომისიის ვიცე-პრეზიდენტი და ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჯოზეფ ბორელი და მათ მოუწოდა, რომ გადაწყვეტილებას დაუბრუნდნენ.

ამაზე ისაუბრა აშშ-ის სახელმწიფო მდივანმა ენტონი ბლინკენმაც და აღნიშნა, რომ რუსეთმა მარცვლეულის შეფერხებით ხალხს უთხრა - "მეტი გადაიხადეთ ან იშიმშილეთ".

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →