—

კლაუს იოჰანისის განცხადებით, რუმინეთი მხარს უჭერს საქართველოს სუვერენიტეტსა და ტერიტორიულ მთლიანობას

13
კლაუს იოჰანისის განცხადებით, რუმინეთი მხარს უჭერს საქართველოს სუვერენიტეტსა და ტერიტორიულ მთლიანობას
მოსასმენად დააჭირეთ

რუმინეთის პრეზიდენტის კლაუს იოჰანისის განცხადებით, რუმინეთი მხარს უჭერს საქართველოს სუვერენიტეტსა და ტერიტორიულ მთლიანობას.

როგორც მან საქართველოს პრეზიდენტ, სალომე ზურაბიშვილთან შეხვედრის შემდეგ გამართულ ერთობლივ პრესკონფერენციაზე აღნიშნა, რუმინეთი გმობს იმ აგრესიას, რომელიც რუსეთმა საქართველოს ტერიტორიაზე განახორციელა და ახლა უკრაინაში აგრძელებს.

„გუშინ რუსულმა რაკატებმა კიდევ ერთხელ დაარტყა ქალაქებსა და სამოქალაქო ინფრასტრუქტურას უკრაინაში. მსგავსი თავდასხმები საერთაშორისო თანამეგობრობამ, ჩვენმა პარტნიორებმა უნდა დაგმონ, ეს არის დაუშვებელი. რუმინეთი მხარს უჭერს უკრაინას რუსეთის ფედერაციის აგრესიის წინააღმდეგ ბრძოლაში და გმობს ამ აგრესიას.

ჩვენ დღეს ვისაუბრეთ და კიდევ ერთხელ გამოვთქვით მხარდაჭერა საქართველოს დამოუკიდებლობის, სუვერენიტეტისა და ტერიტორიული მთლიანობის მიმართ. ჩვენ მხარს ვუჭერთ საქართველოს მის საერთაშორისოდ აღიარებულ საზღვრებში. ამჟამად რუმინეთი გახლავთ მეორე, ყველაზე მსხვილი ქვეყანა, რომელსაც ჰყავს წარმომადგენლები, ექსპერტები ევროკავშირის სადამკვირვებლო მისიაში და ჩვენ სიტუაციის მუდმივ მონიტირინგს ვახორციელებეთ რუსეთის აგრესიის შედეგად დაზარალებულ რეგიონებში 2008 წლიდან.

ჩვენ ვხედავთ, რომ ე.წ. განგრძნობითი კონფლიქტები ოკუპირებულ აფხაზეთსა და სამხრეთ ოსეთში გრძელდება. მუდმივად ვცდილობთ, რომ დაზარალებულ რეგიონებს და მათ მოსახლეობას დავეხმაროთ. გარდა ამისა, ვცდილობთ, მხარი დავუჭიროთ საქართველოს კიდევ უფრო გაძლიერებას. ქალბატონო პრეზიდენტო, მინდა დიდი მადლობა გადაგიხადოთ ძალიან კარგი დისკუსიისთვის“,-განაცხადა რუმინეთის პრეზიდენტმა.

(ipn)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →