—

გიგა ბოკერია „ნაციონალურ მოძრაობაზე“ - რაც ხდება იქ, არ არის მხოლოდ მათი საქმე და ამაზე საუბარი ლეგიტიმურია, ოღონდ დეტალებზე არა

22
გიგა ბოკერია „ნაციონალურ მოძრაობაზე“ - რაც ხდება იქ, არ არის მხოლოდ მათი საქმე და ამაზე საუბარი ლეგიტიმურია, ოღონდ დეტალებზე არა
მოსასმენად დააჭირეთ

„ევროპული საქართველოს“ ლიდერის, გიგა ბოკერიას შეფასებით, „ნაციონალური მოძრაობა“ ზოგჯერ არასათანმიმდევრულ და უპრინციპო ნაბიჯებს დგამდა.

„ევროპული საქართველოს“ ლიდერის, გიგა ბოკერიას შეფასებით, „ნაციონალური მოძრაობა“ ზოგჯერ არასათანმიმდევრულ და უპრინციპო ნაბიჯებს დგამდა.

როგორც მან ჟურნალისტებს განუცხადა, პრობლემა არის ის, როდესაც ადამიანებს არ აერთიანებთ პოლიტიკური ფასეულობები და მხოლოდ პოლიტიკური კარიერის გაკეთებას გეგმავენ. ბოკერიას თქმით, ეს ყოველთვის პოლიტიკური კრიზისით მთავრდება.

„ვერანაირ დეტალზე ვერ ვისაუბრებ, რადგან არ ვიცი იმ დეტალზე მეტი, ვიდრე საზოგადოებამ იცის. ისედაც არ ჩავთვლი საჭიროდ. „ნაციონალური მოძრაობის“, როგორც ყველაზე დიდი ოპოზიციური პარტიის ნაბიჯები ასოცირდება ხოლმე შემდეგ მთელ ოპოზიციასთან. ხშირად მომისმენია ქუჩაში ადამიანებისგან პრეტენზია, ბევრჯერ სამართლიანი, მაგრამ ზოგჯერ სრულიად უსამართლო იმ ნაბიჯებზე, რომელსაც „ნაციონალური მოძრაობა“ დგამდა, ჩემი აზრით, არასათანმიმდევრულს, უპრინციპოს და მერე ამის პასუხისმგებლობა ყველას ეკიდებოდა, მათი ზომის გამო.

რაც ხდება იქ, არ არის მხოლოდ მათი საქმე და ამაზე საუბარი ლეგიტიმურია, ოღონდ დეტალებზე არა. საერთო ჯამში, უკვე წლებია მთავარი პრობლემა არის ის, რომ როდესაც ადამიანებს არ აერთიანებს პოლიტიკური შეხედულებები, ფასეულობები და აერთიანებთ ან მხოლოდ ფანატიზმი ან მხოლოდ სურვილი, რომ პოლიტიკური კარიერა გაიკეთონ, ეს ყოველთვის მთავრდება ამ ტიპის მორალური გახრწნით და პოლიტიკური კრიზისით. ეს არის ჩემი შეფასება. ყველა ჯგუფს ეხება ეს, ვინც „ნაციონალურ მოძრაობაში“ სხვადასხვა დოზით აქტიურობს. ამაზე მეტი კომენტარი ამ მომენტში საჭიროდ არ მიმაჩნია“,-განაცხადა ბოკერიამ.

ცნობისთვის, „ნაციონალური მოძრაობის“ განცხადებით, პარტიის თავმჯდომარე ნიკა მელიასა და „მოძრაობა საქართველოსთვის“ წევრ გიორგი მუმლაძეს შორის დაპირისპირება მოხდა.

კერძოდ, პარტიის ცნობით, გიორგი მუმლაძე თანმხლებ პირებთან ერთად მელიას სამუშაო ოთახში შეიჭრა და „შეურაცხმყოფელი, ქუჩური ტერმინოლოგიით სცადა პროვოკაციის მოწყობა“, რაც პარტიის წევრებმა აღკვეთეს.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →