—

გიგა ბოკერია - ამ მძიმე ვითარებაზე პასუხისმგებელია ივანიშვილი და მისი გარემოცვა, ამის შემდეგ პასუხისმგებლობა, დიდი დისტანციით, გადადის პოლიტიკურ ოპონენტებზეც, რომელთა ნაწილმაც ჩათვალა, რომ ივანიშვილივით უნდა მოიქცნენ

183
გიგა ბოკერია - ამ მძიმე ვითარებაზე პასუხისმგებელია ივანიშვილი და მისი გარემოცვა, ამის შემდეგ პასუხისმგებლობა, დიდი დისტანციით, გადადის პოლიტიკურ ოპონენტებზეც, რომელთა ნაწილმაც ჩათვალა, რომ ივანიშვილივით უნდა მოიქცნენ
მოსასმენად დააჭირეთ

ვიტყოდი, რომ ეს კვლევა სამწუხაროდ საერთო ჯამში ასახავს იმ ძალიან მძიმე ვითარებას, რომელიც არის ქვეყანაში, - ამის შესახებ „ევროპული საქართველოს“ ლიდერმა, გიგა ბოკერიამ „პალიტრანიუსის“ გადაცემა „360 გრადუსში“ NDI-ის…

ვიტყოდი, რომ ეს კვლევა სამწუხაროდ საერთო ჯამში ასახავს იმ ძალიან მძიმე ვითარებას, რომელიც არის ქვეყანაში, - ამის შესახებ „ევროპული საქართველოს“ ლიდერმა, გიგა ბოკერიამ „პალიტრანიუსის“ გადაცემა „360 გრადუსში“ NDI-ის კვლევის შედეგებზე საუბრისას განაცხადა.

„ამ მძიმე ვითარებაზე პასუხისმგებელი არის, რა თქმა უნდა, ბიძინა ივანიშვილი და მისი გარემოცვა, რომელიც საკუთარი ინტერესებისთვის, ფულის და ძალაუფლებისთვის წირავს საქართველოს ინტერესებს. ამის შემდეგ პასუხისმგებლობა, რა თქმა უნდა, დიდი დისტანციით, გადადის პოლიტიკურ ოპონენტებზეც, რომელთა ნაწილმაც ჩათვალა, რომ ივანიშვილივით უნდა მოიქცნენ. ნაწილმა ჩათვალა, რომ გადაგდება ჩვეულებრივი ამბავია და თუ საჭიროა ეგრეც უნდა მოიქცე“, - განაცხადა გიგა ბოკერიამ.

გიგა ბოკერიას თქმით, ბიძინა ივანიშვილმა ქართულ პოლიტიკაში შექმნა კლიმატი, რომ „ყველაფერი მოსულა" და ამას ოპოზიციურმა პარტიებმა და განსაკუთრებით „ნაციონალურმა მოძრაობამ“ მიბაძა.

„ჩვენთან პოლიტიკური უნდობლობის ტრადიცია ღრმაა, ამას ფესვები წარსულშიც აქვს, ოღონდ ყველა ისტორიულ მომენტში გარკვეული კონკრეტული ამბები განაპირობებს ხოლმე, მაგრამ ამ ყველაფრის სათავეშია ის კლიმატი, რაც ივანიშვილმა შექმნა, რომ ყველაფერი მოსულა, იმის ყიდვა, ამის წამოყვანა, გუშინ სრულად მიუღებელი ადამიანის მიღება ისე, რომ არც ხსნი ამას და მერე პოლიტიკური პარტიების ნაწილმა ამას მიბაძა. ყველაზე მკაფიო ეს „ნაციონალურ მოძრაობაში“ იყო“, - განაცხადა გიგა ბოკერიამ.
შეგახსენებთ, რომ ეროვნულ-დემოკრატიული ინსტიტუტის (NDI) კვლევის მიხედვით, გამოკითხულთა უმეტესობის აზრით, ქართულ პოლიტიკაში არსებული პარტიებიდან მათ ინტერესს არც ერთი არ გამოხატავს. კითხვაზე: არსებობს თუ არა საქართველოში ერთი პარტია მაინც, რომელიც თქვენს ინტერესს გამოხატავს, რესპონდენტთა 56%-მა აღნიშნა, რომ „არა“, 39%-მა თქვა, რომ „კი“, 4%-ის პასუხია - „არ ვიცი“, ხოლო 2 %-მა პასუხზე უარი თქვა.

ამასთან, აღნიშნული კვლევის თანახმად, ოპოზიციური პარტიების მხარდამჭერთა უმეტესობა მიიჩნევს, რომ ოპოზიცია მათი ინტერესებიდან გამომდინარე არ მოქმედებს. ორგანიზაციის ცნობით, მოსახლეობის უმრავლესობა მიიჩნევს, რომ ქვეყნის ინტერესებიდან გამომდინარე არც მმართველი პარტია და არც არჩეული ოპოზიციური პარტიები მოქმედებენ.

IPN.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →