—

ლევან იოსელიანი - ოპოზიციურ პარტიებს აქვთ მოლოდინი, რომ „ნაციონალური მოძრაობა“ დაიშლება - რადიკალური დღის წესრიგის მომხრე ამომრჩეველს ვიღაც უნდა დაეპატრონოს

33
ლევან იოსელიანი - ოპოზიციურ პარტიებს აქვთ მოლოდინი, რომ „ნაციონალური მოძრაობა“ დაიშლება - რადიკალური დღის წესრიგის მომხრე ამომრჩეველს ვიღაც უნდა დაეპატრონოს
მოსასმენად დააჭირეთ

რაც უფრო მეტი პოლიტიკური ჯგუფი იქნება რადიკალური „მესიჯებით“ გამოსული, მეტი შანსი აქვთ, რომ დაშლილი „ნაციონალური მოძრაობიდან“ ამომრჩევლის რაღაც სოლიდური ნაწილი მიიღოს, - ამის შესახებ „მოქალაქეების“ ლიდერმა, ლევან…

რაც უფრო მეტი პოლიტიკური ჯგუფი იქნება რადიკალური „მესიჯებით“ გამოსული, მეტი შანსი აქვთ, რომ დაშლილი „ნაციონალური მოძრაობიდან“ ამომრჩევლის რაღაც სოლიდური ნაწილი მიიღოს, - ამის შესახებ „მოქალაქეების“ ლიდერმა, ლევან იოსელიანმა „პალიტრანიუსის“ გადაცემა „360 გრადუსში“ განაცხადა, რითაც სხვადასხვა ოპოზიციონერი პოლიტიკოსის მხრიდან აქციების მეშვეობით ხელისუფლების ცვლილების დაანონსებასთან დაკავშირებით დასმულ კითხვას უპასუხა.

ლევან იოსელიანის თქმით, სინამდვილეში ბრძოლა არა ხელისუფლების ცვლილებისთვის, არამედ „ნაციონალური მოძრაობის“ რადიკალური ამომრჩევლისთვის მიდის.

„ვფიქრობ,ოპოზიციურ პარტიებს აქვთ მოლოდინი, რომ „ნაციონალური მოძრაობა“ დაიშლება და იმ დროისთვის, როცა პარტია დაიშლება და ამის ყველა ნიშანია სახეზე - მიხეილ სააკაშვილს შეიძლება აღარ უნდა პოლიტიკაში ყოფნა, პარტიაში ვიცით, რომ დაპირისპირებაა, ამომრჩეველი, რომელიც რადიკალური დღის წესრიგის მომხრეა, ამ ამომრჩეველს ვიღაც უნდა დაეპატრონოს.

რაც უფრო მეტი პოლიტიკური ჯგუფი იქნება რადიკალური „მესიჯებით“ გამოსული, მეტი შანსი აქვთ, რომ დაშლილი „ნაციონალური მოძრაობიდან“ ამომრჩევლის რაღაც სოლიდური ნაწილი მიიღონ. მე ვფიქრობ, რომ სინამდვილეში ბრძოლა მიდის ხმებისთვის, სამომავლოდ თავისი ამომრჩეველი რომ გაზარდონ, ოღონდ გაზარდონ რადიკალური ამომრჩევლის ხარჯზე, „ნაციონალური მოძრაობის“ მხარდამჭერების ხარჯზე იმიტომ, რომ მათაც აქვთ, ჩემი აზრით, მოლოდინი, რომ ეს პარტია ადრე თუ გვიან, არჩევნებამდე დაიშლება, ამ ფორმით ვერ მიაღწევს ყოველ შემთხვევაში“, - განაცხადა ლევან იოსელიანმა.

ლევან იოსელიანის განცხადებით, მას არ სჯერა აქციების გზით ხელისუფლების ცვლილების.
„ყველაზე ბევრი ადამიანი და მაშინაც 60-100 ათასი არ იყო, გამოვიდა მაშინ, როდესაც ჩამოვიდა მიხეილ სააკაშვილი. გამოვიდნენ, მერე სიმღერები იმღერეს და დაიშალნენ. შეიძლება გამომივიდეს ბევრი ადამიანი, მაგრამ ეს ადამიანები ამ ქვეყანაში არ არიან დღეს მზად იმისთვის, რომ ძალით, შევარდნით, ჩხუბით და ჯაჯგურით შეცვალონ ხელისუფლება და ეს არავის არ უნდა სინამდვილეში. შეიძლება რამდენიმე ათას კაცს უნდა, მაგრამ ეს არ არის საკმარისი, რომ მიზანი იქნას მიღწეული. ამიტომ მე არ მჯერა დღეს საქართველოში ასეთი ტიპის ხელისუფლების ცვლილების. არამც თუ არ მჯერა, არ ვთვლი, რომ ეს ასე უნდა მოხდეს იმიტომ, რომ ერთადერთი სწორი გზა, რომ ჩვენ შევინარჩუნოთ კონსტიტუციური განვითარება, ეს არჩევნებია და არჩევნების გზით უნდა შევცვალოთ ხელისუფლება“, - განაცხად ლევან იოსელიანმა.

IPN.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →