—

აქტივისტებმა და ოპოზიციური პარტიების ახალგაზრდული ფრთის წევრებმა "ქართული ოცნების" ოფისთან საპროტესტო აქცია გამართეს

51
აქტივისტებმა და ოპოზიციური პარტიების ახალგაზრდული ფრთის წევრებმა "ქართული ოცნების" ოფისთან საპროტესტო აქცია გამართეს
მოსასმენად დააჭირეთ

სამოქალაქო აქტივისტებმა და ოპოზიციური პარტიების ახალგაზრდული ფრთის წევრებმა "ქართული ოცნების" ოფისთან საპროტესტო აქცია გამართეს.

სამოქალაქო აქტივისტებმა და ოპოზიციური პარტიების ახალგაზრდული ფრთის წევრებმა "ქართული ოცნების" ოფისთან საპროტესტო აქცია გამართეს.

როგორც "ნაციონალური მოძრაობის" წარმომადგენელმა დიმიტრი ბიძინაშვილმა განაცხადა, "ქართული ოცნება" დაუფარავად ემსახურება რუსეთს და ეს ხალხი ხელისუფლებას უნდა მოშორდეს.

"ჩვენი აქ მოსვლის მიზეზია იმ ადამიანების პირადი საქმეების რუსეთში აღმოჩენა, რომლებიც საკუთარი სიცოცხლის ფასად იცავდნენ ჩვენს სამშობლოს. ჩვენ მოვედით უსამშობლო ოლიგარქის ოფისთან, რომელსაც ეს უკვე არაერთხელ აქვს გაკეთებული, რადგან ჩვენ ვნახეთ "კოდორი 2007" სპეცოპერაციების მონაწილე პირების პირადი ინფორმაცია, რომელიც გადაეცა რუსეთს და შემდგომ ერთ წელიწადში 6 სპეცრაზმელი ვითომ უბედური შემთხვევით დაიღუპა, ასევე ვნახეთ გია ცეცაძის საქმე, როცა ქართულმა მხარემ მისი პირადი საქმე გადასცა რუსეთს, ასევე ჩვენ ვნახეთ ლაფანყურის სპეცოპერაციის მონაწილე ხანგოშვილის საქმე, რომელსაც ჯერ 7 ტყვია ესროლეს საქართველოში გადარჩა და სახელმწიფომ უარი უთხრა დაცვაზე და იძულებული გახდა წასულიყო გერმანიაში და რუსულმა "ეფ-ეს-ბემ" გერმანიაში მოკლა, ჩვენ ვნახეთ "გავრილოვის ღამე", სადაც ხელისუფლებამ ანტისაოკუპაციო აქცია დაარბია. ასევე, ჩვენ არ გვესმის ხელისუფლების ხმა, როცა არის მცოცავი ოკუპაცია, ანექსია, როცა ჩვენს მოქალაქეებს იტაცებენ და კლავენ. ჩვენ ვიცით, რომ გავრილოვის მოთხოვნით დააკავეს ნიკა მელია და "ნაციონალური მოძრაობის" ოფისში შტურმი მოაწყვეს. ეს ხალხი ღიად და დაუფარავად ემსახურება რუსულ ინტერესებს და სწორედ ამის გასაპროტესტებლად ვართ მოსული. თუ გვინდა, რომ არ ვიცხოვროთ რუსეთში და ცივილიზებულ სამყაროსთან ერთად ვიყოთ, მაშინ ეს ხალხი უნდა მოვაშოროთ ხელისუფლებას", - განაცხადა ბიძინაშვილმა.

IPN.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →