—

ნიკა მელია - ტაქტიკა არაფერ შუაშია, რატომ უნდა გვიკვირდეს სააკაშვილის ადვოკატების, როდესაც ყველაფერს აკეთებენ, რათა მოხერხდეს საზღვარგარეთ სამედიცინო დაწესებულებაში მისი გადაყვანა

13
ნიკა მელია - ტაქტიკა არაფერ შუაშია, რატომ უნდა გვიკვირდეს სააკაშვილის ადვოკატების, როდესაც ყველაფერს აკეთებენ, რათა მოხერხდეს საზღვარგარეთ სამედიცინო დაწესებულებაში მისი გადაყვანა
მოსასმენად დააჭირეთ

ტაქტიკა არაფერ შუაში არ არის და რატომ უნდა გვიკვირდეს თუნდაც მიხეილ სააკაშვილის ადვოკატების, როდესაც ისინი ყველაფერს აკეთებენ, რათა მოხერხდეს სააკაშვილის საზღვარგარეთ შესაბამის სამედიცინო დაწესებულებაში გადაყვანა…

ტაქტიკა არაფერ შუაში არ არის და რატომ უნდა გვიკვირდეს თუნდაც მიხეილ სააკაშვილის ადვოკატების, როდესაც ისინი ყველაფერს აკეთებენ, რათა მოხერხდეს სააკაშვილის საზღვარგარეთ შესაბამის სამედიცინო დაწესებულებაში გადაყვანა, – განაცხადა „ნაციონალური მოძრაობის“ თავმჯდომარე ნიკა მელიამ სააკაშვილის ადვოკატების განცხადებების კომენტირებისას.

„ვინაიდან მიხეილ სააკაშვილის ჯანმრთელობის მდგომარეობა არის კრიტიკულად მძიმე; არც ის უნდა იყოს გასაკვირი, რომ ადამიანი, რომელიც ამ ჯანმრთელობის მდგომარეობის ქვეშ არის, არ ფიქრობდეს და ვერ ფიქრობდეს პოლიტიკაზე; ეს არ არის გასაკვირი. გასაკვირი ის უფრო არის, თუ ჩვენ გვიკვირს, რატომ შეიძლება მის ადვოკატებს, მას პირადად სურდეთ საკუთარი სიცოცხლისა და ჯანმრთელობის გადარჩენა; ამიტომ, თავიდან ბოლომდე მივესალმები, ბუნებრივია, მიხეილ სააკაშვილის სიცოცხლისა და ჯანმრთელობის გადარჩენას, რისთვისაც ყველაფერი კეთდება მისი ადვოკატების მხრიდან. სხვა საკითხია, ეს ვერაგი ხელისუფლება, რომელმაც მისი ჯანმრთელობის მდგომარეობა ამ კონდიციამდე მიიყვანა, არის მზად, რომ გამოიჩინოს ჰუმანურობა?“ – განაცხადა ნიკა მელიამ.

მელიას თქმით, როდესაც ადამიანის ჯანმრთელობა კრიტიკასაც კი ვერ უძლებს, ასეთ დროს ყველაფერი უნდა გაკეთდეს, რომ ის გამოჯანმრთელდეს.

„საქართველოში მიხეილ სააკაშვილის გამოჯანმრთელება, სამწუხაროდ, რამდენიმე დასკვნის თანახმადაც, არის შეუძლებელი. ადამიანი ჯერ უნდა გამოჯანმრთელდეს და ამის შემდეგ უბრუნდება საკუთარ პროფესიას, იქნება ეს პოლიტიკოსი, ჟურნალისტი, ფერმწერი, მხატვარი თუ სხვა“, – განაცხადა ნიკა მელიამ.

1tv.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →