—

დმიტრო კულება მსოფლიოს მოუწოდებს, რუსეთის ქმედებები უკრაინაში გენოციდად აღიარონ

14
დმიტრო კულება მსოფლიოს მოუწოდებს, რუსეთის ქმედებები უკრაინაში გენოციდად აღიარონ
მოსასმენად დააჭირეთ

უკრაინის საგარეო საქმეთა მინისტრი დმიტრო კულება მსოფლიოს მოუწოდებს, რუსეთის ქმედებები უკრაინაში გენოციდად აღიარონ.

მან აღნიშნული მოსაზრება გერმანულ გამოცემა Der Spiegel-ში გამოთქვა.

კულებამ ხაზი გაუსვა იმას, რომ რუსეთის ხელმძღვანელობა, ოფიციალური პირები და საზოგადო მოღვაწეები დიდი ხანია გენოციდისთვის იდეოლოგიურ საფუძველს ქმნიან.

სხვა საკითხებთან ერთად, უკრაინის საგარეო უწყების ხელმძღვანელი ყურადღებას ამახვილებს რუსეთის პრეზიდენტის ვლადიმერ პუტინის შარშანდელ სტატიაზე „რუსებისა და უკრაინელების ისტორიული ერთიანობის შესახებ“, სადაც კრემლის ლიდერმა კიდევ ერთხელ განაცხადა, რომ უკრაინელები და რუსები „ერთი ხალხია“ და „თანამედროვე უკრაინა საბჭოთა ეპოქის სრული პროდუქტია, ხოლო უკრაინის ნამდვილი სუვერენიტეტი მხოლოდ რუსეთთან პარტნიორობითაა შესაძლებელი“.

ამასთან, კულება აღნიშნავს, რომ გენოციდის პირდაპირ საჯარო წაქეზებას ასევე შეიცავს რუსული სახელმწიფო მედია საშუალებების რიგი სტატიები, რუსი მაღალჩინოსნების პოსტები სოციალურ ქსელებში ან მათ მიერ გაკეთებული სატელევიზიო განცხადებები.

მინისტრი ყურადღებას ამახვილებს იმ ფაქტზეც, რომ შეჭრის შემდეგ რუსეთმა, ძალით ან ძალის მუქარით წაიყვანა უკრაინიდან სულ მცირე 1,9 მილიონი ადამიანი, მათ შორის 307 000-ზე მეტი ბავშვი და ახლა ცვლის კანონმდებლობას, რათა დააჩქაროს უკრაინის დონეცკისა და ლუგანსკის რეგიონებიდან წაყვანილი ბავშვების შვილად აყვანის პროცესი. კულებას თქმით, ამის მიზანი კი ისაა, რომ უკრაინელმა ბავშვება დაკარგონ უკრაინული იდენტობა.

IPN.ge

შეაფასეთ
სტატიის ავტორიაიდა რუსთამოვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →