—

კაცი მოსწავლეებზე საკლასო ოთახში სექსუალურად ძალადობდა - უმძიმესი შემთხვევა ქვემო ქართლში

83
კაცი მოსწავლეებზე საკლასო ოთახში სექსუალურად ძალადობდა - უმძიმესი შემთხვევა ქვემო ქართლში
მოსასმენად დააჭირეთ

არასრულწლოვნების მიმართ გარყვნილი ქმედება - ამ მძიმე ბრალდებით ქვემო ქართლში ერთ-ერთი სკოლის მასწავლებელი დააკავეს. "კურიერის" მიერ მოპოვებული საქმის მასალებით ირკვევა, რომ 50 წლამდე მამაკაცი, საკუთარ მოსწავლეებზე…

არასრულწლოვნების მიმართ გარყვნილი ქმედება - ამ მძიმე ბრალდებით ქვემო ქართლში ერთ-ერთი სკოლის მასწავლებელი დააკავეს. "კურიერის" მიერ მოპოვებული საქმის მასალებით ირკვევა, რომ 50 წლამდე მამაკაცი, საკუთარ მოსწავლეებზე რამდენიმე თვის განმავლობაში სექსუალურად ძალადობდა. იდენტიფიცირებულია დანაშაულის ექვსი ეპიზოდი, დაზარალებულები კი, 11 და 12 წლის გოგონები არიან.

საქმის მასალებში დევს მეექვსე კლასის მოსწავლეების საკმაოდ მძიმე ჩვენებები, რომელსაც "კურიერი" არასრულწლოვანთა ინტერესებიდან გამომდინარე არ ასაჯაროებს.

ბრალდებული პედაგოგი დანაშაულს არ აღიარებს. ადვოკატი ირწმუნება, რომ ფაქტების ნაწილი მოსწავლეებმა გამოიგონეს, ნაწილი კი გამოძიებამ გააზვიადა.

გამოძიების ინფორმაციით, მძიმე დანაშაულის შესახებ მალევე ცნობილი გახდა სკოლის დირექტორისთვის, რომელმაც გადაწყვიტა, რომ ამბავი საგანმანათლებლო დაწესებულების კედლებიდან არ უნდა გასულიყო. სწორედ ამიტომ, პოლიციისთვის შეუტყობინებლობის ბრალდებით, პროკურატურამ ბრალი დირექტორსაც წარუდგინა, თუმცა პირველი ინსტანციის მოსამართლე მადონა მაისურაძემ, საქმეში დირექტორის პასუხისმგებლობა ვერ დაინახა და მის მიმართ გამოსცა განჩინება სისხლის სამართლებრივი დევნის შეწყვეტის შესახებ. გადაწყვეტილება უსაფუძვლოდ მიიჩნია სააპელაციო სასამართლომ, რომელმაც სკოლის დირექტორს აღკვეთი ღონისძიების სახით გირაო შეუფარდა.

უმძიმესი დანაშაულის დამალვას სკოლის ადმინისტრაცია ახლაც აქტიურად ცდილობს. "კურიერის" გადამღები ჯგუფის გამოჩენამ თანამშრომლები იმდენად გააღიზიანა, რომ ადგილზე საპატრულო პოლიცია გამოიძახეს.

არასრულწლოვნების მიმართ გარყვნილ ქმედებაში ბრალდებული სკოლის მასწავლებელი, ამჟამად წინასწარ პატიმრობაში იმყოფება. სასამართლოში საქმის არსებითი განხილვა სექტემბერში დაიწყება.

(primetime)

შეაფასეთ
სტატიის ავტორილალა ასქეროვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →