—

მარნეულში მერიისა და საკრებულოს თანამშრომლები ხელს უშლიდნენ ბუკლეტების დარიგებას

32
მარნეულში მერიისა და საკრებულოს თანამშრომლები ხელს უშლიდნენ ბუკლეტების დარიგებას
მოსასმენად დააჭირეთ

მარნეულის მუნიციპალიტეტის მერიისა და საკრებულოს თანამშრომლები შეეცადნენ ხელი შეეშალათ 3 ივლისის დაგეგმილი აქციის სააგიტაციო ფლაერების დარიგებისთვის. სამოქალაქო მოძრაობის, "შინ ევროპისკენ" ფარგლებში მარნეულის ბაზარში…

მარნეულის მუნიციპალიტეტის მერიისა და საკრებულოს თანამშრომლები შეეცადნენ ხელი შეეშალათ 3 ივლისის დაგეგმილი აქციის სააგიტაციო ფლაერების დარიგებისთვის. სამოქალაქო მოძრაობის, "შინ ევროპისკენ" ფარგლებში მარნეულის ბაზარში ფლაერებს ადგილობრივი სამოქალაქო აქტივისტები არიგებდნენ, როცა მათ ადამიანთა ჯგუფი გადაეღობა და ტერიტორიის დატოვება მოსთხოვა.

კონტრაქციის მონაწილეთა შორის აქტიურობდნენ, მარნეულის მერიის წარმომადგენელი ირმა ზარქუა, მერიის ერთ-ერთი მენეჯერი რიმა ოთარაშვილი, ასევე "ალტ-ინფოს" ადგილობრივი ორგანიზაციის ერთ-ერთი ლიდერი ნანა დონაძე. ირმა ზარქუა სამირა ბაირამოვას ემუქრებოდა, რომ არ აპატიებდა ჯვრის "შეურაცხყოფას".

"რა უფლებით იღებ ხმას? რა უფლებით გადაღებე ჯვრები ["ალტ-ინფოს" პარტიის ოფისის მინები]? წაეთრიე აქედან", - მიმართავდა ირმა ზარქუას სამოქალაქო აქტივისტს.

ნანა დონაძე კი სამოქალაქო აქტივისტებს "ნაციონალურ მოძრაობასთან" აიგივებდა და ეუბნებოდა, რომ როგორც ამ პარტიის მმართველობის დროს პოლიტიკური ნიშნით დაპატიმრებულის დედა, არ დაუშვებდა მათ დაბრუნებას ხელისუფლებაში. სამოქალაქო აქტივისტებს, მათივე სიტყვებით, სიტყვიერ შეურაცხყოფას აყენებდნენ მერიის ზედამხედველობის თანამშრომლებიც.
სამოქალაქო აქტივისტმა სამირა ბაირამოვამ, რადიო თავისუფლებას უთხრა, რომ აგრესიულად განწყობილ ადამიანებს შორის იყვნენ ასევე საკრებულოს აპარატის თანამშრომლები. კონტრაქციის მონაწილენი აგრესიას ავლენდნენ ოპოზიციური ტელევიზიების ჟურნალისტების მიმართაც, აცხადებდნენ, რომ ისინი ხელს უწყობენ დეზინფორმაციის გავრცელებას და დესტაბილიზაციას.

პოლიციას მხოლოდ ერთხელ მოუწია ჩარევა, როცა ერთ-ერთი კაცი ტელეკომპანია "ფორმულას" ჟურნალისტისკენ მუქარის შემცველი სიტყვებით გაემართა.

"თქვენ ხართ კეზერაშვილის მონები. წადით მარნეულიდან", - მიმართავდა კაცი ჟურნალისტს.

პოლიციამ ის გაარიდა ტერიტორიას. თუმცა სამოქალაქო აქტივისტები იძულებულნი გახდნენ, პოლიციის თანხლებით დაეტოვებინათ ტერიტორია.

ეს პირველი შემთხვევა არ არის, როცა სამოქალაქო აქტივისტებს ბროშურების დარიგებაში ხელი შეუშალეს. ასე მოხდა 30 ივნისსაც - 3 ივლისის აქციის ბუკლეტების დარიგება გააპროტესტეს და სტუდენტებს ფიზიკურად დაუპირისპირდნენ თბილისის სახელმწიფო უნივერსიტეტის "მაღლივ კორპუსთან".

Radio tavisupleba

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →