—

პრეზიდენტი - შეშფოთებული ვარ იმის გამო, რაც პარლამენტში მოვისმინე

26
პრეზიდენტი - შეშფოთებული ვარ იმის გამო, რაც პარლამენტში მოვისმინე
მოსასმენად დააჭირეთ

სრულიად შეშფოთებული ვარ იმის გამო, რაც მოვისმინე პარლამენტში - თურმე ყველაზე კარგები ვართ, ყველაფერი კარგად გავაკეთეთ - ეს არის აბსურდი და თავისი შინაარსით ძალიან შეურაცხმყოფელი, - ამის შესახებ საქართველოს პრეზიდენტმა…

სრულიად შეშფოთებული ვარ იმის გამო, რაც მოვისმინე პარლამენტში - თურმე ყველაზე კარგები ვართ, ყველაფერი კარგად გავაკეთეთ - ეს არის აბსურდი და თავისი შინაარსით ძალიან შეურაცხმყოფელი, - ამის შესახებ საქართველოს პრეზიდენტმა სალომე ზურაბიშვილმა სპეციალურ ბრიფინგზე პარლამენტში პრემიერის დღევანდელ მოხსენებასთან დაკავშირებით განაცხადა.

მისი თქმით, პარლამენტმა დღეს აჩვენა დაპირისპირება და ერთმანეთის გაუტანლობა.

„მნიშვნელოვანია, რა ხდება ახლა, რას ვაკეთებთ ამ ბოლო დღეებში იმისთვის, რომ ჩვენი საკითხი წარმოვაჩინოთ ყველაზე პოზიტიურად და მივიღოთ წარმატებული შედეგები. ერთი მხრივ მოსახლეობა აკეთებს ყველაფერს რაც შეუძლია იმისთვის, რომ თავისი სათქმელი თქვას. გამოვიდა საზოგადოება, გამოვიდა ძალიან დიდი რაოდენობით და მკაფიო გზავნილი გაუგზავნა რუსეთს, რომ აქ საზოგადოება, ყველა წლოვანებისა და პოლიტიკური აზრის ადამიანები ერთად დგანან და ამბობენ ერთ რამეს - ჩვენ ვართ ევროპელები. ეს ძალიან მნიშვნელოვანია, რადგან თუ ევროპა რამეს ანიჭებს მნიშვნელობას, ეს არის ადამიანების, საზოგადოების ნების თავისუფალი გამოხატულება. ის, რაც ვნახეთ ორშაბათს, ნამდვილად იყო საზოგადოების თავისუფალი ნების გამოხატულება. ის, რასაც გადავეჩვიეთ და რასაც გვთხოვს ევროპა - ეს იყო ერთიანობა, რაც ჩვენთვის უაღრესად მნიშვნელოვანია. სამწუხაროდ, დღეს ვნახეთ მეორე სახე.

სრულიად შეშფოთებული ვარ იმის გამო, რაც მოვისმინე პარლამენტში. რაც პარლამენტში დავინახე, არის საწინააღმდეგო იმისა, რაც საზოგადოებამ აჩვენა. თავშეკავება, ზრდილობა, ერთმანეთის პატივისცემა. პარლამენტმა საპირისპირო აჩვენა - დაპირისპირება, ლანძღვა, ერთმანეთის გაუტანლობა, არმოსმენა. ყველაფერი, რაც შეიძლებოდა გვეჩვენებინა ჩვენი უარყოფითი სახის შესახებ, დღეს ვაჩვენეთ. ამას დაემატა პრემიერის გამოსვლა, რომელიც იყო ისეთი, თუ რაიმე გამოსვლა შეიძლება ყოფილიყო, რაც ბრიუსელისკენ გააგზავნიდა ნეგატიურ სურათს და ნეგატიურ გზავნილს - თურმე ყველაზე კარგები ვართ, ყველაფერი კარგად გავაკეთეთ, არაფერი არ გვიჭირს, ვართ ბევრად უკეთესები, ვიდრე თქვენი უკრაინა და თქვენი მოლდოვა, ვერ გავიგეთ რატომ არიან ისინი ჩვენზე წინ, ეს ალბათ იმიტომ, რომ თქვენ ომი არ გინდოდათ და ჩვენ ომი გვინდა - ეს არის აბსურდი და თავისი შინაარსით ძალიან შეურაცხმყოფელი“, - განაცხადა სალომე ზურაბიშვილმა.

IPN ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →