—

ჯანდაცვის მინისტრი - ტურისტებს, რომლებსაც PCR ტესტის ვალიდური დოკუმენტი არ ექნებათ, კორონავირუსზე ტესტი აეროპორტში ჩაუტარდებათ

181
ჯანდაცვის მინისტრი - ტურისტებს, რომლებსაც PCR ტესტის ვალიდური დოკუმენტი არ ექნებათ, კორონავირუსზე ტესტი აეროპორტში ჩაუტარდებათ
მოსასმენად დააჭირეთ

ჯანდაცვის მინისტრი, ეკატერინე ტიკარაძე აცხადებს, რომ საქართველოში შემოსულ იმ ტურისტებს, რომლებსაც PCR ტესტის ვალიდური დოკუმენტი არ ექნებათ, კორონავირუსზე PCR ტესტი აეროპორტში ჩაუტარდებათ.

ამასთან, როგორც მინისტრმა 1-ელი ივლისიდან საერთაშორისო ტურისტების მიღების საკითხთან დაკავშირებით აღნიშნა, არ უქმდება საკარანტინო სივრცეები.

„ყველა წესი შემუშავებულია. გვაქვს მრავლობითი პუნქტები, რომ საჭიროების შემთხვევაში მოხდეს ტურისტების გატესტვა. ასევე, ვინარჩუნებთ ყველა დღემდე არსებულ საკარანტინო სივრცეს. უბრალოდ რაოდენობრივი ცვლილება გვაქვს შეტანილი აქ. გარკვეულ სასტუმროს ვაძლევთ ტურისტების მიღების საშუალებას, თუმცა ყველა სასტუმრო ვალდებულია გაითვალისწინოს უსაფრთხოების ნორმები. გვაქვს ტესტების საკმარისი რაოდენობა, გვაქვს კოორდინაცია და დალაგებული ლოჯისტიკა ყველა ლაბორატორიასთან, რომელიც ქვეყანაში ფუნქციონირებს. ეს ნიშნავს, რომ ეტაპობრივად, დღიურად 3000, 4000 და უკვე შემოდგომაზე 10 000 ტესტის ჩატარება შეგვეძლება, რაც ადრეულ დიაგნოსტიკას უზრუნველყოფს.

ქვეყნებს შორის სხვადასხვა ტიპის მოლაპარაკებები არსებობს. პირველი, რა მოთხოვნაც გვაქვს არის, რომ ტურისტს თან ექნება PCR ტესტის ვალიდური დოკუმენტი, სადაც აღნიშნულია, რომ კოვიდი არ აქვს. იმ ტურისტებისთვის, რომლებსაც დოკუმენტი არ ექნებათ, ჩვენ უზრუნველვყოფთ ტესტის ჩატარებას აეროპორტში და იმ შემთხვევაში, თუ მივიღებთ ტურისტების დიდ ნაკადებს, მოლაპარაკებებია სასტუმროებთან, სადაც ტურისტების განთავსება მოხდება და დაელოდებიან ტესტის პასუხებს,“ - აღნიშნა მინისტრმა.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →