—

ჯო ბაიდენი - აშშ უკრაინას უფრო თანამედროვე სარაკეტო სისტემებსა და საბრძოლო მასალას მიაწვდის

15
ჯო ბაიდენი - აშშ უკრაინას უფრო თანამედროვე სარაკეტო სისტემებსა და საბრძოლო მასალას მიაწვდის
მოსასმენად დააჭირეთ

აშშ-ის პრეზიდენტის, ჯო ბაიდენის განცხადებით, შეერთებული შტატები უკრაინას „უფრო თანამედროვე სარაკეტო სისტემებსა და საბრძოლო მასალას“ მიაწვდის.

აშშ-ის პრეზიდენტის, ჯო ბაიდენის განცხადებით, შეერთებული შტატები უკრაინას „უფრო თანამედროვე სარაკეტო სისტემებსა და საბრძოლო მასალას“ მიაწვდის.

New York Times-ში გამოქვეყნებულ სტატიაში ბაიდენი წერს, რომ აშშ-ის მიზანი უკრაინაში არის „იხილოს დემოკრატიული, დამოუკიდებელი, სუვერენული და აყვავებული უკრაინა, რომელსაც აქვს საშუალებები, შეაკავოს და დაიცვას თავი შემდგომი აგრესიისგან“.

მისი თქმით, იარაღის ახალი პარტია საშუალებას მისცემს მათ, უფრო ზუსტად დაარტყან საკვანძო ობიექტებს უკრაინის ბრძოლის ველზე.

ამასთან, ბაიდენი ხაზს უსვამს, რომ აშშ არ აპირებს პირდაპირ ჩაერთოს რუსეთთან კონფლიქტში.

"ჩვენ არ გვსურს ომი ნატოსა და რუსეთს შორის. რამდენადაც მე არ ვეთანხმები ბატონ პუტინს და მისი ქმედებები აღშფოთებას იწვევს, შეერთებული შტატები არ შეეცდება მოსკოვში მის გადაყენებას. სანამ შეერთებულ შტატებს ან ჩვენს მოკავშირეებს თავს არ დაესხმებიან, ჩვენ ამ კონფლიქტში უშუალოდ არ ჩავერთვებით არც ამერიკული ჯარების უკრაინაში საბრძოლველად გაგზავნით და არც რუსეთის ძალებზე თავდასხმით“, - წერს აშშ-ის პრეზიდენტი.

ბაიდენის განცხადებით, აშშ-ის ოფიციალური პირები ამჟამად ვერ ხედავენ იმის ნიშანს, რომ რუსეთს უკრაინაში ბირთვული იარაღის გამოყენება აქვს განზრახული, თუმცა რუსეთის რიტორიკა “ბირთვული იარაღის ჟღარუნთან დაკავშირებით“ საშიში და უკიდურესად უპასუხისმგებლოა.

„ნება მომეცით მკაფიოდ განვაცხადო: ამ კონფლიქტში ბირთვული იარაღის ნებისმიერი მასშტაბით გამოყენება სრულიად მიუღებელი იქნება ჩვენთვის, ისევე როგორც დანარჩენი მსოფლიოსთვის და გამოიწვევს მძიმე შედეგებს“, - წერს ბაიდენი.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →