—

ირაკლი კობახიძე - „ნაცმოძრაობას“ ქვეყანა ფეხზე ჰკიდია

22
ირაკლი კობახიძე - „ნაცმოძრაობას“ ქვეყანა ფეხზე ჰკიდია
მოსასმენად დააჭირეთ

„ნაცმოძრაობას“ ქვეყანა, ჟარგონზე რომ ვთქვათ, ფეხზე ჰკიდია - ეს არის მათი განწყობა, მათი დამოკიდებულება, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებთან საუბრისას განაცხადა, რითაც უკრაინაში…

„ნაცმოძრაობას“ ქვეყანა, ჟარგონზე რომ ვთქვათ, ფეხზე ჰკიდია - ეს არის მათი განწყობა, მათი დამოკიდებულება, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებთან საუბრისას განაცხადა, რითაც უკრაინაში მიმდინარე პროცესებთან მიმართებაში საქართველოს ხელისუფლების არსებულ პოლიტიკაზე „ნაციონალური მოძრაობის“ წარმომადგენლების კრიტიკულ შეფასებებს გამოეხმაურა.

მისივე თქმით, „ნაციონალური მოძრაობა“ ტოტალურად არაპატრიოტული პოლიტიკური ძალაა და მათი მხრიდან გაკეთებული განცხადებები ამაზე მეტყველებს.

„ეს აჩვენებს ზოგადად მათ დამოკიდებულებას არა მარტო ხელისუფლების მიმართ, არამედ ქვეყნის მიმართ. როდესაც ქვეყანას ასე მოიხსენიებ, როდესაც ქვეყანას ამ "ფეიკებით" ასე ახასიათებ, ბუნებრივია, აქ ჩანს ქვეყნის მიმართ დამოკიდებულება, ეს არის ტოტალურად არაპატრიოტული პოლიტიკური ძალა. ომში ჩართვაც მაგიტომ უნდათ ზუსტად ანუ, მათ არ აქვთ პატრიოტიზმის ნიშანწყალი. ეს იყო მათი მთავარი პრობლემა ყოველთვის იქიდან მოყოლებული, როდესაც ისინი ხელისუფლებაში მოვიდნენ, 2008 წელს, როდესაც ტერიტორიების 20% რუსეთის ფედერაციას ჩააბარეს, ესეც ზუსტად იმავეს გამო გააკეთეს, მათ არ ჰქონდათ პატრიოტიზმის ნიშანწყალი და დღეს რასაც აკეთებენ, იგივე ეს განცხადებები, ესეც არის ზუსტად იმის გამოხატულება, რომ მათ აქვთ ნულოვანი პატრიოტიზმი. მათ საერთოდ არ აინტერესებთ ქვეყანა. „ნაცმოძრაობას“ ქვეყანა ჟარგონზე რომ ვთქვათ, ფეხზე ჰკიდია. ეს არის მათი განწყობა, მათი დამოკიდებულება. რა თქმა უნდა, ჩვენ ამ პოლიტიკურ ძალას შესაბამისი პასუხი უნდა გავცეთ და პასუხი უნდა იყოს მარტივი. ეს პოლიტიკური ძალა მაქსიმალურად უნდა დასუსტდეს იმისათვის, რომ პოლარიზაციის ხარისხი შემცირდეს, იმისათვის, რომ ჩვენს ქვეყანაში ომი არ დავუშვათ და იმისათვის, რომ ჩვენს ქვეყანას მშვიდობა და განვითარება ჰქონდეს. ამისათვის ყველაფერი გაკეთდება,“ -განაცხადა ირაკლი კობახიძემ.

(lpn)

შეაფასეთ
სტატიის ავტორილალა ასქეროვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →