—

მეზობლების ინფორმაციით, მამაკაცი, რომელმაც ვაზისუბანში მძინარე მშობლები ჯერ მოკლა, შემდეგ კი სახლს ცეცხლი წაუკიდა, კრიმინალური პოლიციის ყოფილი თანამშრომელია

35
მეზობლების ინფორმაციით, მამაკაცი, რომელმაც ვაზისუბანში მძინარე მშობლები ჯერ მოკლა, შემდეგ კი სახლს ცეცხლი წაუკიდა, კრიმინალური პოლიციის ყოფილი თანამშრომელია
მოსასმენად დააჭირეთ

მეზობლების ინფორმაციით, პირი, რომელმაც ვაზისუბანში მძინარე მშობლები ზაზა ბეროზაშვილი და ლალი თავაძე ჯერ მოკლა, შემდეგ კი კვალის დაფარვის მიზნით, სახლს ცეცხლი წაუკიდა, კრიმინალური პოლიციის ყოფილი თანამშრომელია.

როგორც ერთ-ერთი მეზობელი ჰყვება, მოკლულებს დაკავებულ გიორგი ბეროზაშვილის გარდა, კიდევ ორი შვილი ჰყავდა, ოჯახის წევრებს კი ერთმანეთთან კარგი ურთიერთობა ჰქონდათ.

"ზაზა ლექტორი იყო, ლექციებს კითხულობდა, ლალი დიასახლისი იყო. მომხდარის გამო გაოგნებულები ვართ", - განაცხადა მეზობელმა.

მისივე ცნობით, დაკავებულ გიორგი ბეროზაშვილს ფსიქიკური პრობლემები არ ჰქონია და არც აზარტულ თამაშებს თამაშობდა.

მეზობლის თქმით, ხანძრის შესახებ დაკავებულს დებმა დაურეკეს, რადგან ის შემთხვევის ადგილიდან დიდი ხნის წასული იყო.

ბეროზაშვილების მეზობლების ინფორმაციით, მოკლული ზაზა ბეროზაშვილიც წარსულში პოლიციის მაღალჩინოსანი იყო და მას ცეცლხსასროლი იარაღიც ჰქონდა სახლში. უცნობია, გასროლა დაკავებულის მამის კუთვნილი ცეცხლსასროლი იარაღიდან მოხდა თუ არა. მოკლულის მეგობრების განცხადებით, ზაზა ბეროზაშვილი ბოლო წლების განმავლობაში სალექციო საქმიანობას ეწეოდა როგორც საქართველოში, ასევე შუა აზიის ქვეყნებში.

საცხოვრებელ სახლთან არსებულ ავტოფარეხში საგამოძიებო მოქმედებები მიმდინარეობს. სავარაუდოდ, საგამოძიებო მოქმედებებისთვის დაკავებულის დები ჰყავთ მიყვანილი.

ცნობისთვის, ვაზისუბანში ერთ-ერთ საცხოვრებელ კორპუსში გუშინ ხანძარი მოხდა, რომელსაც წინ მკვლელობა უძღვოდა.

შსს-ს ცნობით, 30 წლის გიორგი ბეროზაშვილმა მძინარე მშობლები ჯერ მოკლა, შემდეგ კი კვალის დაფარვის მიზნით, სახლს ცეცხლი წაუკიდა.

ზაზა ბეროზაშვილისა და ლალი თავაძის ცხედრებს, რომლებიც ხანძრის შემდეგ იპოვეს, ცეცხლსასროლი იარაღით მიყენებული ჭრილობები აღენიშნებათ.

(ipn)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →