—

IRI- ვადამდელ არჩევნებს რესპონდენტების 30%- ერთმნიშვნელოვნად უჭერს მხარს, 25% ცალსახად ეწინააღმდეგება

27
IRI- ვადამდელ არჩევნებს რესპონდენტების 30%- ერთმნიშვნელოვნად უჭერს მხარს, 25% ცალსახად ეწინააღმდეგება
მოსასმენად დააჭირეთ

IRI-ის კვლევის თანახმად, გამოკითხულთა 30% ერთმნიშვნელოვნად უჭერს მხარს ოპოზიციის მოთხოვნას ვადამდელ საპარლამენტო არჩევნებზე, 25%-ცალსახად ეწინააღმდეგება, 19%-მეტნაკლებად უჭერს მხარს, 11% კი მეტნაკლებად ეწინააღმდეგება.

IRI-ის კვლევის თანახმად, კითხვაზე ,, ეთანხმებით თუ არ ეთანხმებით ოპოზიციის მოთხოვნას საქართველოში ვადამდელ საპარლამენტო არჩევნებზე?“ რესპონდენტების 30%- ერთმნიშვნელოვნად უჭერს მხარს , 19%- მეტნაკლებად უჭერს მხარს, 11%- მეტნაკლებად ეწინააღმდეგება, 25%- ცალსახად ეწინააღმდეგება, 10%-თვის ვადამდელი არჩევნები არაფერს შეცვლის მისთვის/ არ აქვს მნიშვნელობა, 5%- ს კი პასუხი არ აქვს.

,,საერთაშორისო რესპუბლიკური ინსტიტუტის“ კითხვაზე ,,რამდენად ენდობიან (თუკი ენდობიან) ცენტრალური საარჩევნო კომისიის შესაძლებლობას გაუწიონ ორგანიზება და ზედამხედველობა სანდო არჩევნებს?“ გამოკითხულთა უმეტესობა, 39%- მეტნაკლებად ენდობა, 22%-ნაკლებად ენდობა, 19%- საერთოდ არ ენდობა , 15%- ცალსახად ენდობა, 5%-ს კი აღნიშნულზე პასუხი არ აქვს.

ამასთან გამოკითხულთა 25 % მიიჩნევს, რომ ქვეყანაში ჩატარებული 2021 წლის მუნიციპალური არჩევნებისას მცირედი ხარვეზები გამოიკვეთა, თუმცა პროცესი საკმაოდ თავისუფალი და სამართლიანი იყო, 32% მიიჩნევს, რომ არჩევნების სრულიად სამართლიანი და თავისუფალი იყო, 19% ფიქრობს, რომ ,,საკმარისი ხარვეზები დაფიქსირდა, რომ ეჭვი შეეტანათ შედეგების სიზუსტეში, 13% მიიჩნევს, რომ არჩევნები არც სამართლიანი და არც თავისუფალი იყო, 12%-ს კი აღნიშნულ კითხვაზე პასუხი არ აქვს.

კვლევა ჩატარდა 2022 წლის 4-24 მარტის პერიოდში "საერთაშორისო რესპუბლიკური ინსტიტუტის" კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა IPM -ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1486 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 64 %. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.

IPN.ge

შეაფასეთ
სტატიის ავტორიაიდა რუსთამოვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →