—

აზერბაიჯანისა და საქართველოს საგარეო საქმეთა მინისტრებმა ორი ქვეყნის სტრატეგიული პარტნიორობა და რეგიონის განვითარებისთვის მჭიდრო თანამშრომლობა დაადასტურეს

27
აზერბაიჯანისა და საქართველოს საგარეო საქმეთა მინისტრებმა ორი ქვეყნის სტრატეგიული პარტნიორობა და რეგიონის განვითარებისთვის მჭიდრო თანამშრომლობა დაადასტურეს
მოსასმენად დააჭირეთ

ბაქოში ვიზიტის ფარგლებში საქართველოს საგარეო საქმეთა მინისტრმა, ილია დარჩიაშვილმა აზერბაიჯანელ კოლეგასთან ჯეიჰუნ ბაირამოვთან შეხვედრა გამართა. ამის შესახებ ინფორმაციას საგარეო საქმეთა სამინისტრო ავრცელებს.

მათივე ინფორმაციით, მინისტრები მიესალმნენ საქართველოს საგარეო უწყების ხელმძღვანელის ვიზიტს ბაქოში და იმედი გამოთქვეს, რომ მაღალი დონის მჭიდრო კავშირები ხელს შეუწყობს საქართველოსა და აზერბაიჯანის ტრადიციული მეგობრობის შემდგომ განმტკიცებას. ამასთან, მინისტრებმა შეხვედრაზე მიმოიხილეს საქართველოსა და აზერბაიჯანის სტრატეგიული პარტნიორობის ყველა ძირითადი მიმართულება. ილია დარჩიაშვილმა კოლეგას გულთბილი მასპინძლობისთვის მადლობა გადაუხადა და იმედი გამოთქვა რომ აღნიშნული ვიზიტი დამატებით იმპულსს შესძენს ორი ქვეყნის მტკიცე მეგობრობას და მჭიდრო ხალხთაშორის კავშირებს.

,,კმაყოფილებით აღინიშნა ორი ქვეყნის დიპლომატიური ურთიერთობების საიუბილეო თარიღი 30 წელი და გამოთქვეს მზაობა აქტიურად იმუშაონ ქვეყნებს შორის შემდგომი ურთიერთობების კიდევ უფრო გაღრმავებისთვის. შეხვედრაზე მიმოხილული იქნა მსოფლიოსა და რეგიონში მიმდინარე პროცესები, გლობალურად არსებული უსაფრთხოების გარემოსა და გამოწვევების გათვალისწინებით ხაზი გაესვა სამხრეთ კავკასიის რეგიონში სტაბილურობისა და მდგრადი განვითარების მნიშვნელობას. მინისტრებმა მაღალი შეფასება მისცეს ქვეყნებს შორის არსებულ ეკონომიკურ, ენერგეტიკულ, სავაჭრო და სატრანსპორტო კავშირებს.

მათ შორის აღინიშნა საერთაშორისო მნიშვნელობის პროექტები ბაქო-თბილისი-ჯეიჰანის ნავთობსადენი, ბაქო-თბილისი-ერზერუმის გაზსადენი, ბაქო-თბილისი-ყარსის რკინიგზა, ბუნებრივი აირის სამხრეთ დერეფნის პროექტები და ა.შ. რაც მხარეთა შეფასებით ზრდიან საქართველოსა და აზერბაიჯანის მიმზიდველობას და გააჩნიათ დიდი პოტენციალი ენერგო უსაფრთხოებისა და ენერგო დამოუკიდებლობის უზრუნველყოფის თვალსაზრისით. მინისტრებმა კმაყოფილება გამოთქვეს პანდემიის შემდგომ პერიოდში ეკონომიკის განახლების ფონზე ქვეყნებს შორის მზარდი სავაჭრო ბრუნვის გამო და იმედი გამოთქვეს რომ წარმატებული სექტორული თანამშრომლობა და რეგულარული ხასიათის ეკონომიკური ფორმატების გამართვა კიდევ უფრო გაამყარებს არსებულ სავაჭრო მაჩვენებელს. ყურადღება გამახვილდა ტურიზმის, როგორც ორივე ქვეყნის პრიორიტეტულ მიმართულებაზე და ამ მხრივ თანამშრომლობის კარგ შესაძლებლობებზე.

მინისტრებმა მიმოიხილეს აზერბაიჯანსა და საქართველოს შორის კულტურული, საგანმანათლებლო და ხალხთაშორისი კავშირები და მიესალმნენ შემდგომ სხვადასხვა პროექტების მეშვეობით ამ კავშირების უფრო გაღრმავებისთვის მიმართულ ძალისხმევას“, - ნათქვამია ინფორმაციაში.

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →