—

მეუფე ნიკოლოზი - პრეზიდენტთანაც მქონდა საუბარი მიხეილ სააკაშვილის შეწყალებაზე, ეს რომ მოხდეს, მუშაობაა საჭირო საზოგადოებასთან - სიკვდილმისჯილი პატიმარი ხომ არ არის, ციხეში რატომ უნდა მოკვდეს?

12
მეუფე ნიკოლოზი - პრეზიდენტთანაც მქონდა საუბარი მიხეილ სააკაშვილის შეწყალებაზე, ეს რომ მოხდეს, მუშაობაა საჭირო საზოგადოებასთან - სიკვდილმისჯილი პატიმარი ხომ არ არის, ციხეში რატომ უნდა მოკვდეს?
მოსასმენად დააჭირეთ

ადრე, პრეზიდენტთანაც მქონდა საუბარი მიხეილ სააკაშვილის შეწყალებაზე, მისი აზრი მაინტერესებდა. იმისათვის, რომ ეს მოხდეს, შრომა და მუშაობაა საჭირო საზოგადოებასთან, - ამის შესახებ ახალქალაქის, კუმურდოსა და კარის…

ადრე, პრეზიდენტთანაც მქონდა საუბარი მიხეილ სააკაშვილის შეწყალებაზე, მისი აზრი მაინტერესებდა. იმისათვის, რომ ეს მოხდეს, შრომა და მუშაობაა საჭირო საზოგადოებასთან, - ამის შესახებ ახალქალაქის, კუმურდოსა და კარის მიტროპოლიტმა, მეუფე ნიკოლოზმა მიხეილ სააკაშვილის მონახულების შემდეგ ჟურნალისტებს განუცხადა.

მიტროპოლიტის განცხადებით, სალომე ზურაბიშვილს არ შეუძლია მიიღოს ისეთი გადაწყვეტილება, რომელიც საზოგადოების რაღაც ნაწილს მოეწონება და რაღაც ნაწილისთვის კატეგორიულად მიუღებელი იქნება.

„მე მქონდა პრეზიდენტთანაც საუბარი, ადრე, ამ შეწყალებაზე, მისი აზრი მაინტერესებდა. იმისათვის, რომ ეს მოხდეს შრომა და მუშაობაა საჭირო საზოგადოებასთან იმიტომ, რომ თვითონ საზოგადოებაშიც არის განსხვავებული აზრი შეწყალებასთან დაკავშირებით. პრეზიდენტმა მითხრა ასეთი რაღაც პირდაპირ, რომ ის გამოხატავს ხალხის ნებას, არ შეუძლია მას მიიღოს ისეთი გადაწყვეტილება, რომელიც რაღაც ნაწილს საზოგადოებისას მოეწონება და რაღაც ნაწილისთვის კატეგორიულად მიუღებელი იქნება. მე მიმაჩნია, რომ ასეთი რანგის ადამიანის მდგომარეობა განსაკუთრებულად უნდა იყოს განხილული, როგორც ჩვეულებრივი პატიმარი ასე არ უნდა იყოს.

მას სჭირდება ადეკვატური მკურნალობა, რომელიც არ არის, უბრალოდ ამ ქვეყანაში არ არის ამის საშუალება. სიკვდილმისჯილი პატიმარი ხომ არ არის, ციხეში რატომ უნდა მოკვდეს, ვის სჭირდება ახლა მაგის ციხეში სიკვდილი? სახიფათოა ის დაავადება, რაც მას აქვს“, - განაცხადა მეუფე ნიკოლოზმა.

IPN.ge

შეაფასეთ
სტატიის ავტორიაიდა რუსთამოვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →