—

სააფთიაქო ქსელებში განმარტავენ, რომ თურქული წარმოების, იაფი მედიკამენტების დეფიციტი აღმოფხვრილია

39
სააფთიაქო ქსელებში განმარტავენ, რომ თურქული წარმოების, იაფი მედიკამენტების დეფიციტი აღმოფხვრილია
მოსასმენად დააჭირეთ

თურქული წარმოების, იაფი მედიკამენტების დეფიციტი აღმოფხვრილია. როგორც სააფთიაქო ქსელებში განმარტავენ, ამ დროისთვის მედიკამენტები მოსახლეობისთვის ხელმისაწვდომია.

როგორც „ფარმადეპოს“ წარმომადგენელი „ინტერპრესნიუსთან“ საუბრისას აღნიშნავს, მათ სააფთიაქო ქსელში გარკვეულ მედიკამენტებზე დეფიციტი იყო, თუმცა არა მნიშვნელოვანი.

„გარკვეულ აფთიაქებში შეიძლება იყო დროებითი დეფიციტი. ვმუშაობთ, რომ დროულად დავაკმაყოფილოთ ნაშთებზე მოთხოვნა. „ფარმადეპოს“ თურქეთიდან იმპორტირებული მედიკამენტების ყველაზე ბევრი ნაშთი აქვს. ჩვენთან არის 60-მდე დასახელების მედიკამენტი, ამდენი ნაშთი სხვაგან არსად ფიქსირდება“,-აღნიშნავენ „ფარმადეპოში“.

რაც შეეხება სხვა სააფთიაქო ქსელებს, როგორც „პსპ“-ში, „ავერსსა“ და „იმპექსში“ განმარტავენ, მედიკამენტების დეფიციტი არ ყოფილა და თურქული წარმოების, იაფი მედიკამენტებია ხელმისაწვდომია.

ცნობისთვის, ჯანდაცვის სამინისტროს პოლიტიკის დეპარტამენტის ხელმძღვანელმა, ეკატერინე ადამიამ რამდენიმე დღის წინ აღნიშნა, რომ მოსახლეობამ თურქეთიდან იმპორტირებული მედიკამენტების ჭარბი რაოდენობა შეისყიდა, რის გამოც მედიკამენტებზე დეფიციტი შეიქმნა.

შეგახსენებთ, თურქეთის ბაზარი, საიდანაც საქართველოში მაღალი ხარისხის და დაბალი ფასის მქონე მედიკამენტები უნდა შემოვიდეს, საქართველოს მთავრობის გადაწყვეტილებით მიმდინარე წლის 17 იანვარს გაიხსნა. როგორც მთავრობაში აცხადებენ, თურქეთის ბაზრის გახსნის შედეგად, მოსახლეობას 200-მდე დასახელების მედიკამენტზე ხარჯები გაუიაფდება.

(lpn)

შეაფასეთ
სტატიის ავტორილალა ასქეროვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →