—

ილია დარჩიაშვილი - მინდა მოქალაქეები დავარწმუნო, ჩვენ ყველაფერს გავაკეთებთ, რომ საქართველო ევროკავშირში გამორჩეულად ინტეგრირდეს

16
ილია დარჩიაშვილი - მინდა მოქალაქეები დავარწმუნო, ჩვენ ყველაფერს გავაკეთებთ, რომ საქართველო ევროკავშირში გამორჩეულად ინტეგრირდეს
მოსასმენად დააჭირეთ

საქართველომ კონკრეტული კითხვარი მიიღო, რომელიც ჩვენი ევროინტეგრაციის გზაზე ახალი იმპულსი იქნება და ახლა ყველაზე მთავარი არის, რომ ყველა ამ ძალიან მნიშვნელოვან პროცესზე ვკონცენტრირდეთ, იმისთვის, რომ კითხვარის შევსება…

საქართველომ კონკრეტული კითხვარი მიიღო, რომელიც ჩვენი ევროინტეგრაციის გზაზე ახალი იმპულსი იქნება და ახლა ყველაზე მთავარი არის, რომ ყველა ამ ძალიან მნიშვნელოვან პროცესზე ვკონცენტრირდეთ, იმისთვის, რომ კითხვარის შევსება, ჩვენი ევროპელი პარტნიორებისათვის გადმოგზავნა დროულად მოხდეს, რათა საქართველომ ჩვენი ქვეყნისთვის უმნიშვნელოვანეს პროცესში მონაწილეობა აქტიურად გააგრძელოს, - ამის შესახებ საქართველოს საგარეო საქმეთა მინისტრმა, ილია დარჩიაშვილმა სამეზობლო და გაფართოების საკითხებში ევროკომისარ ოლივერ ვარჰეის მიერ ევროკავშირში წევრობის განაცხადთან დაკავშირებული კითხვარის გადაცემისას განაცხადა.

საგარეო უწყების ხელმძღვანელის თქმით, ინკლუზიურობა ამ პროცესში განსაკუთრებით მნიშვნელოვანია და ამიტომ ყველა სახელმწიფო უწყება პირველ რიგში, ამ პროცესში მონაწილეობისთვის იქნება მობილიზებული.

ილია დარჩიაშვილმა ასევე აღნიშნა, რომ საგარეო საქმეთა სამინისტრო პარტნიორებთან ორმხრივ ფორმატში აქტიურ მუშაობას აუცილებლად გააგრძელებს.

„ჩვენ ვიმუშავებთ ჩვენს პარტნიორებთან იმისთვის, რომ მათ მოლოდინები, რომელიც საქართველოს მიმართ აქვთ, კიდევ უფრო გავუმყაროთ. თუმცა, როდესაც ჩვენი პარტნიორების და ევროკავშირის მხრიდან პოლიტიკურ გადაწყვეტილებაზე ვსაუბრობთ, მინდა გითხრათ, რომ დღევანდელი დღე იმის კარგი მაგალითია, რომ საქართველო ევროკავშირისთვის კვლავ სანდო პარტნიორად რჩება და ეს პროცესი მომავალშიც გაგრძელდება. სწორედ ეს არის პოლიტიკური გზავნილი ჩვენი პარტნიორების მხრიდან, რომ საქართველო ამ ძალიან მნიშვნელოვან პროცესში მონაწილეობას აგრძელებს და ძალიან მალე ჩვენ კონკრეტული ხელშესახები შედეგები გვექნება.

მოსახლეობას მინდა დღევანდელი დღე მივულოცო, რადგან ეს ნამდვილად არის ერთ-ერთი კონკრეტული ნაბიჯი ჩვენი ევროინტეგრაციის გზაზე, რაც მოწმობს იმას, რომ საქართველოს მთავრობისა და პირველ რიგში, საქართველოს პრემიერ-მინისტრისთვის ერთ-ერთი მთავარი პრიორიტეტი საქართველოს ევროპული მომავალია და ჩვენ ყველა, ყოველდღიურ რეჟიმში ვმუშაობთ ამისთვის და მე მინდა ჩვენი მოქალაქეები დავარწმუნო, რომ ჩვენ ყველაფერს გავაკეთებთ იმისთვის, რომ საქართველო ევროკავშირში გამორჩეულად ინტეგრირდეს“, - აღნიშნა დარჩიაშვილმა.

IPN.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →