—

იუსტიციის მინისტრის განცხადებით, საქმე „სააკაშვილი საქართველოს წინააღმდეგ“, სტრასბურგის სასამართლოში განხილვის არსებით ეტაპზე გადადის

39
იუსტიციის მინისტრის განცხადებით, საქმე „სააკაშვილი საქართველოს წინააღმდეგ“, სტრასბურგის სასამართლოში განხილვის არსებით ეტაპზე გადადის
მოსასმენად დააჭირეთ

იუსტიციის მინისტრის, რატი ბრეგაძის განცხადებით, საქმე „სააკაშვილი საქართველოს წინააღმდეგ“, სტრასბურგის სასამართლოში განხილვის არსებით ეტაპზე გადადის.

იუსტიციის მინისტრის, რატი ბრეგაძის განცხადებით, საქმე „სააკაშვილი საქართველოს წინააღმდეგ“, სტრასბურგის სასამართლოში განხილვის არსებით ეტაპზე გადადის.

მინისტრის თქმით, საქმეში, რომელიც ვალერი გელაშვილის ეპიზოდსა და სანდრო გირგვლიანის მკვლელობაში მსჯავრდებულების შეწყალებას გულისხმობს, საქართველოს ძალიან მყარი არგუმენტები აქვს.

„იუსტიციის სამინისტრო, საქართველოს კანონმდებლობის თანახმად, წარმოადგენს საქართველოს საერთაშორისო სასამართლოებში, შესაბამისად, ბუნებრივია, ამ დავაშიც იუსტიციის სამინისტრო არის ჩართული. რაც შეეხება საქმეს, „სააკაშვილი საქართველოს წინააღმდეგ“ ის გადადის განხილვის არსებით ეტაპზე, საქართველოს არგუმენტები ამ საქმეში ძალიან მყარია და ბუნებრივია, ჩვენ საბოლოო კომენტარების გაკეთება შეგვეძლება მას შემდეგ, რაც საქმეზე დასრულდება არსებითი განხილვა.

რაც შეეხება გადაწყვეტილების მიღებას და შემდეგ მის გამოქვეყნებას, ამის შესახებ ჩვენ ინფორმაცია არ გვაქვს, აქ არ არის მკაცრად წინასწარ გაწერილი ვადები, ამაზე გადაწყვეტილებას რა თქმა უნდა, მიიღებს სასამართლო. მას შემდეგ რაც საქმეზე იქნება გადაწყვეტილება, შემდეგში ჩვენც გავაკეთებთ ამასთან დაკავშირებით კომენტარს. ნებისმიერი საქმის განხილვას აქვს სხვადასხვა ეტაპები, ჯერ განიხილება მისაღებობა, შემდეგში საქმე განხილვის არსებით ეტაპზე გადადის და შემდეგ მიიღება გადაწყვეტილება, ეს არის სამართლებრივი პროცერსის ერთ-ერთი ნაწილი. ორი საქმეა, ეს შეეხება გელაშვილის ეპიზოდს და გირგვლიანის მკვლელების შეწყალებას. სარჩელი იყო მიღებული, წარმოება მიმდინარეობდა და გადადის განხილვის არსებით ეტაპზე.

როგორც მოგახსენეთ, „სააკაშვილი საქართველოს წინააღმდეგ“, მიმდინარე საქმეა და ჩვენი მხრიდან რაიმე სახის მოლოდინებზე საუბარი არ იქნება კორექტული, თუმცა, საქართველოს ძალიან მყარი არგუმენტები აქვს, რითაც საკუთარ პოზიციებს ასაბუთებს“, - განაცხადა ბრეგაძემ.

(lpn)

შეაფასეთ
სტატიის ავტორილალა ასქეროვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →