—

ვოლოდიმირ ზელენსკი იაპონიის პარლამენტს - თქვენ პირველები ხართ აზიაში, ვინც მხარი დაუჭირა სანქციებს რუსეთის წინააღმდეგ და მოგიწოდებთ, ეს გააგრძელოთ

32
ვოლოდიმირ ზელენსკი იაპონიის პარლამენტს - თქვენ პირველები ხართ აზიაში, ვინც მხარი დაუჭირა სანქციებს რუსეთის წინააღმდეგ და მოგიწოდებთ, ეს გააგრძელოთ
მოსასმენად დააჭირეთ

უკრაინის პრეზიდენტმა ვოლოდიმირ ზელენსკიმ იაპონიას რუსეთის წინააღმდეგ სანქციების გაძლიერება და მის პროდუქციაზე ემბარგოს დაწესება სთხოვა. ამის შესახებ ზელენსკიმ იაპონიის პარლამენტისთვის გაკეთებული მიმართვისას ისაუბრა.

მან იაპონიას რუსეთის აგრესიული ქმედებების დაგმობისთვის და სანქციების დაწესებისთვის მადლობა გადაუხადა.

„პასუხისმგებლიანი სახელმწიფოები გაერთიანდნენ მშვიდობის დასაცავად. მადლობელი ვარ თქვენი სახელმწიფოსი ამ ისტორიულ მომენტში დაფიქსირებული პრინციპული პოზიციისთვის და უკრაინისთვის გაწეული დახმარებისთვის. თქვენ პირველები ხართ აზიაში, ვინც რეალურად დაიწყო რუსეთზე წნეხის განხორციელება მშვიდობის აღსადგენად, ვინც მხარი დაუჭირა სანქციებს რუსეთის წინააღმდეგ და მოგიწოდებთ, რომ გააგრძელოთ ამის კეთება“,- განაცხადა ზელენსკიმ.

უკრაინის პრეზიდენტმა აღნიშნა, რომ რუსული ძალები ახალი თავდასხმის განხორციელებას გეგმავენ ჩერნობილის ირგვლივ დაკავებული ტერიტორიიდან.

უკრაინაში ახლა მოქმედებს 15 ატომური ბლოკი და რუსეთის აგრესიული ქმედებების გამო, ყველა მათგანი საფრთხის ქვეშაა.

„მსოფლიო ბევრი ახალი კრიზისის ზღვარზეა. გარემოსა და საკვების მიმართულებით არსებული გამოწვევები უპრეცედენტოა“,- განაცხადა ზელენსკიმ.

იაპონიის პარლამენტში ვოლოდიმირ ზელენსკის სიტყვით გამოსვლას ტაშით შეეგნებნენ, სიტყვით გამოსვლის დასრულების შემდეგ კი პარლამენტარებმა ის ფეხზე ადგომით აპლოდისმენტებით დააჯილდოვეს.

პრეზიდენტ ზელენსკის გამოსვლას იაპონიის პრემიერ-მინისტრი, საგარეო საქმეთა და თავდაცვის მინისტრები ესწრებოდნენ.

(lpn)

შეაფასეთ
სტატიის ავტორილალა ასქეროვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →