—

ირაკლი ღარიბაშვილი - შეშფოთებით ვაკვირდებით უკრაინაში მიმდინარე ომს, კიდევ ერთხელ მინდა ჩვენი გულისტკივილი გამოვხატო - უკრაინაში რაც ხდება, აბსოლუტურად მიუღებელია

6
ირაკლი ღარიბაშვილი - შეშფოთებით ვაკვირდებით უკრაინაში მიმდინარე ომს, კიდევ ერთხელ მინდა ჩვენი გულისტკივილი გამოვხატო - უკრაინაში რაც ხდება, აბსოლუტურად მიუღებელია
მოსასმენად დააჭირეთ

ძალიან შეშფოთებით ვაკვირდებით უკრაინაში მიმდინარე ომს. უკრაინაში რაც ხდება, არის აბსოლუტურად მიუღებელი, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომის დაწყებისას განაცხადა.

როგორც პრემიერმა აღნიშნა, საქართველომ ყველა დონეზე გამოხატა მტკიცე მხარდაჭერა და სოლიდარობა უკრაინის მიმართ.

„ძალიან შეშფოთებით ვაკვირდებით უკრაინაში მიმდინარე ომს. კიდევ ერთხელ მინდა ჩვენი გულისტკივილი გამოვხატო. უკრაინაში რაც ხდება არის აბსოლუტურად მიუღებელი. უკრაინაში შეჭრა და იქ სამხედრო მოქმედებების წარმოება, რა თქმა უნდა, არის მიუღებელი და ეწინააღმდეგება საერთაშორისო სამართლის პრინციპებს და წესებს. ჩვენ ამის თაობაზე გვქონდა ჩვენს უკრაინელ კოლეგებთან კომუნიკაცია, გამოვხატეთ ჩვენი სოლიდარობა და თანადგომა პოლიტიკურ დონეზე.

ამასთანავე, მინდა გითხრათ, რომ დღეს დილით ჩემი გადაწყვეტილებით, 100 ტონა ჰუმანიტარული ტვირთი ჩავიდა პოლონეთში, რომელიც მიეწოდა უკრაინულ მხარეს. ამასთანავე, უკრაინის მოქალაქეები, რომლებიც იმყოფებიან თბილისში და ვერ დაბრუნდნენ სამშობლოში, მათაც მიეწოდებათ ყველა სერვისი უფასოდ.

ყველა საერთაშორისო ფორმატში და დონეზე, იქნებოდა ეს ეუთოს მინისტერიალი თუ გაეროს ფორმატში, ყველა დონეზე გამოვხატეთ მტკიცე მხარდაჭერა და სოლიდარობა უკრაინის მიმართ. ჩემი დავალებით, საგარეო საქმეთა მინისტრმა მიიღო მონაწილეობა ეუთოს მინისტერიალში და საქართველო მიუერთდა ევროკავშირის დოკუმენტს, რითაც კიდევ ერთხელ, მკაფიოდ გამოვხატეთ მხარდაჭერა უკრაინის მიმართ და ჩვენი სოლიდარობა ვაჩვენეთ ჩვენს უკრაინელ ძმებს და დებს. ასევე ჩვენ მხარი დავუჭირეთ ევროპის საბჭოს გადაწყვეტილებას რუსეთისთვის უფლების შეჩერების შესახებ. ასევე, გაეროს უსაფრთხოების საბჭოს რეზოლუციას საქართველომ 80 სხვა სახელმწიფოსთან ერთად, თანასპონსორობა გაუწია“, - განაცხადა ღარიბაშვილმა.

შეაფასეთ
სტატიის ავტორიისმაილ აბრამიშვილი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →